عومه‌ر فه‌تاح: مامۆستایان مافی خۆیانه‌ شایسته‌تر بژین

.

پێشنیوه‌رۆی ئه‌مرۆ (6/12/2018) عومه‌ر فه‌تاح كارگێڕی مه‌كته‌بی سیاسی یه‌كێتیی نیشتمانیی كوردستان، به‌ ئاماده‌بوونی نه‌رمین عوسمان ئه‌ندامی سه‌ركردایه‌تی و سه‌رپه‌رشتیاری مه‌كته‌بی رێكخراوه‌كان و له‌گه‌ڵ لیستی سه‌وز له‌ یه‌كێتیی مامۆستایانی كوردستان كۆبووه‌وه‌.

له‌كۆبونه‌وه‌كه‌دا، كه‌ سه‌رۆكی یه‌كێتیی مامۆستایان و نوێنه‌رانی مامۆستایان له‌ سكرتاریه‌ت و لقی هه‌موو ناوچه‌كانی كوردستان ئاماده‌ی بوون، دۆخی مامۆستایان و هه‌ڵسه‌نگاندنی كاروباری یه‌كێتی مامۆستایان كوردستان و چاره‌سه‌ركردنی كه‌موكوڕتیه‌كان و گه‌ڵاڵه‌كردنی به‌رنامه‌ی نوێ كاركردن بۆ راپه‌ڕاندنی ئه‌ركه‌كان و خزمه‌تكردنی زیاتری مامۆستایان.

عومه‌ر فه‌تاح رایگه‌یاند: مامۆستایانی كوردستان هه‌ڵگری په‌یامێكی پیرۆز و ئه‌ركێكی گرنگن، بۆیه‌ هه‌قیانه‌ ژیانێكی شایسته‌یشیان هه‌بێت.
هه‌روه‌ك وتیشی: له‌ قۆناغی  شارو شاخدا، مامۆستایانی كوردستاندا ده‌ستبه‌رداری په‌یامه‌ پیرۆز و ئه‌ركه‌ گرنگه‌كه‌یان نه‌بوون، كه‌ بڵاوكردنه‌وه‌ی زانست و هۆشیاری و پێگه‌یاندنی نه‌وه‌كانمانه‌.

كارگێڕی مه‌كته‌بی سیاسی هانی نوێنه‌رانی یه‌كێتی له‌ یه‌كێتی مامۆستایان دا، كه‌ به‌بێ جیاوازی داكۆكی له‌ مافه‌كانی مامۆستایان بكه‌ن و نوێنه‌ری ڕاسته‌قینه‌یان بن.

لای خۆشیه‌وه‌ نه‌رمین عوسمان به‌ وردی له‌باره‌ی كاروباری لیستی سه‌وز له‌ یه‌كێتی مامۆستایان و چۆنێتی چاره‌سه‌ركردنی كه‌موكورییه‌كان و خۆ سازدانه‌وه‌ بۆ راپه‌راندنی ئه‌ركه‌كانی داهاتوو پێشكه‌ش كرد.

ئاماده‌بووانی كۆبونه‌وه‌كه‌یش، بیرو بۆچوون و پێشنیازه‌كانیان بۆ باشتر به‌ڕێوه‌چوونی كاروباره‌كانی یه‌كێتیی مامۆستایان خسته‌ڕوو.

PUKmedia تایبه‌ت