هه‌رێم.. رێژه‌ی بارانبارینی ئه‌مساڵ راده‌گه‌یه‌نرێت

.

كه‌شناسی هه‌رێم پێشبینی كه‌شوهه‌وای دوو رۆژی داهاتوو و رێژه‌ی بارانیارینی 24 سه‌عاتی رابردووی بڵاوكرده‌وه‌ و به‌پێی پێشبینییه‌كانیش بارانبارین به‌رده‌وام ده‌بێت.

به‌ڕێوه‌به‌رایه‌تی كه‌شناسی و بومه‌له‌رزه‌زانی هه‌رێم له‌ راگه‌یه‌نراوێكدا پێشبینی كه‌شوهه‌وای دوو رۆژی شارو ناوچه‌كانی كوردستانی بڵاوكرده‌وه‌ و رایگه‌یاند: ئه‌مڕۆ پێنجشه‌ممه‌، ئاسمانی هه‌رێم هه‌ور و له‌ هه‌ندێك ناوچه‌ بارانبارین ده‌بێت له‌كاتی جیاجیادا، به‌ڵام له‌ شاره‌كانی سلێمانی و كه‌ركوك له‌ هه‌ندێك كاتدا هه‌وره‌ تریشقه‌و بارانی به‌لێزمه‌ ده‌بێت.

هه‌ربه‌پێی راگه‌یه‌نراوه‌كه‌ش، سبه‌ینێ هه‌ینی، ئاسمان هه‌ور ده‌بێت و بارانی به‌لێزمه‌و هه‌وره‌ تریشقه‌ی له‌گه‌ڵدا ده‌بێت.

كه‌شناسی هه‌رێم له‌راگه‌یه‌نراوێكیتردا، رێژه‌ی بارانبارینی 24 سه‌ه‌عاتی رابردووی بڵاوكرده‌وه‌ و به‌پێی راگه‌یه‌نراوه‌كه‌ش له‌ شاری دهۆك زۆرترین باران باریووه‌ كه‌ 298.4 ملم-ه‌.

تا ئێستاش له‌ هه‌ولێر 237.6 ملم، سلێمانی، 284.1 ملم، كه‌ركوك 182.2 ملم، دهۆك 298.4 ملم، هه‌ڵه‌بجه‌ 189.4 ملم باران باریووه‌.

PUKmedia راگه‌یاندنی كه‌شناسی هه‌رێم

ده‌قی راگه‌یه‌نراوه‌كانی كه‌شناسی به‌وێنه‌...