به‌رهه‌مه‌كانی خاتوو گه‌لاوێژ به‌خشرایه‌ كتێبخانه‌كانی كه‌ركوك

.

بە رهەمە كانی خاتوو گەلاوێژ بە دیاری پێشكەشی كتێبخانەو ناوندە ئەدەبیەكانی شاری كەركوك كرا.

سەرلە بەیانی (4/12/2018) كۆ بەرهەمی  كتێبە ئەدەبیەكانی خاتوو گەلاوێژ پێشكەشی كتێبخانەی ناوەندی  گشتی شاری كەركوك و زانكۆی كەركوك و ناوەندە ئەدەبیەكان و كەناڵی  ئاسمانی كەركوك و چەند ڕۆشنبیرێكی ئەو شارە كوردوستانیە كرا.

ژینۆ عەبدولڵا بەڕیوبەری سایتی galawezh.com لە لێدونێكدا ڕایگەیاند، لەسەر ڕاسپاردەو ڕێنمایی خاتوو گەلاوێژ تەوووی كۆ بەرهەمەكانی بە دیاری پێشكەشی هەموو كتێبخانە گشتیەكانی پارێزگاكانی هەرێم و شاری كەركوك و ناوچە كوردوستانیەكان دەكات و شاری كەركویش بێگومان بە هۆی بوونی كتێبخانەی گشتی و   كتێبخانەی زانكۆی كەركوك و ناوەندی ئەكادیمی و ئەدیبان نووسەران، بە رهەمەكانیان بە دیاری  پێشكەش كرا.

ڕوونیشیكردوە لە ئایندەیەكی نزیكیشدا تەواووی بەرهەمە ئەدەبیەكان لە كتێبخانە گشتیەكانی وەزارەتی ڕۆشنبیری  لە سنوری پارێزگای هەولێرو دهۆك دابەشدەكرێت و خوێنەرانیش دەتوانن بە شێوازی pdf تەواووی بەرهەمەكان كە خۆی لە بوارەكانی ڕۆمان و چیرۆك و نۆڤلێت و بیرەوەری و ئەدەبی منداڵان و وەڕگێڕان دەبینێتەوە لە وێب سایتی galawezh.com بخوێننەوە.

PUKmedia تایبه‌ت