ئەنجومەنی باڵای خانمان و زانكۆیەكی ئێران پویوەندییەكانیان پتەوتر دەكەن

.

  پەخشان زەنگنە ئەمینداری گشتی ئەنجومەنی باڵای كاروباری خانمان، بەئامادەبوونی فلۆرین گۆرگیس سێودین بەڕێوەبەری گشتی دیوان لە ئەنجومەن و دلێر ئیبراهیم بەڕێوەبەری راگەیاندن و پەیوەندییەكان، پێشوازی لە شاندێكی كونسوڵخانەی گشتی كۆماری ئیسلامی ئێران لە هەولێر كرد، كە پێكهاتبوو لە "مورتەزا عەبادی" كونسوڵی گشتی ئێران و شاندێكی یاوەری.

كونسوڵی گشتی كۆماری ئیسلامی ئێران و شاندی یاوەری چالاكییەكانی ئەنجومەنی باڵای خانمانیان لەمیانی هەڵمەتی بەرەنگاربوونەوەی توندوتیژی بەزرنرخاند، كە تا 10ی كانوونی یەكەم‌ بەردەوام دەبێت، هەروەها هاوكاری و هەماهەنگی نێوان هەردوولا لە بوارە جیاجیاكاندا دووپاتكرایەوە.

لە تەوەرێكی تری دیدارەكەدا "مورتەزا عەبادی" ئاماژەی بۆ گرنگی كاری هاوبەش و پەرەپێدانی پەیوەندی هەردوولا كرد، لەو بوارانەی پەیوەندیان بە پرسەكانی ژنانەوە هەیە. هەروەها گفتوگۆ لەسەر پرۆگرام و پلانە ستراتیژییەكانی ئەنجومەن كرا، لە بواری گەشەپێدانی ژنان و بوارەكانی تری تواناسازی ئافرەتان لە هەموو سێكتەرەكاندا.

هەروەها كونسوڵی گشتی ئێران بەپێویستیزانی لە نزیكترین دەرفەتدا پەیوەندی نێوان ئەنجومەنی باڵای خانمان و زانكۆی زەهرای ئێرانی كە تایبەتە بە پرسەكانی ژنان، زیاتر پەرەی پێبدرێت و لە رێگەی كونسوڵخانەی ئێرانەوە هاوكاری و هەماهەنگی زیاتر بكەن.

 لەلایەن خۆیەوە خاتوو "پەخشان زەنگنه"‌ سوپاسی ئەم دەستپێشخەرییەی كونسوڵی گشتی كۆماری ئیسلامی ئێرانی كردو هیوای خواست لە نزیكترین دەرفەتدا پەیوەندی ئەكادیمی  و زانستی و هەمەلایەنەی نێوان هەردوولا زیاتر پەرەی پێبدرێت.

PUKmedia  راگەیاندنی ئەنجومەنی باڵای خانمان