قه‌ته‌ر له‌ ئۆپیك ده‌كشێته‌وه‌

.

دوای 60 ساڵ له‌ ئه‌ندامبوونی قه‌ته‌ر له‌ رێكخراوی ئۆپێك ده‌كشێته‌وه‌.

ئاژانسی رۆیته‌رز ئه‌مڕۆ 3-12-2018، بڵاویكرده‌وه‌، ئه‌مڕۆ سه‌عد كه‌عبی وه‌زیری وزه‌ی قه‌ته‌ر له‌ كۆنگره‌یه‌كی رۆژنامه‌نووسدا رایگه‌یاندوه‌، قه‌ته‌ر بڕیاریداوه‌ له‌ سه‌ره‌تای ساڵی 2019 له‌ ئه‌ندامێتی رێكخراوی ئۆپیك بكشێته‌وه‌.

وه‌زیری وزه‌ی قه‌ته‌ر راشیگه‌یاندوه‌، حكومه‌تی قه‌ته‌ر له‌پێناو چاكسازیكردن و پێداچوونه‌وه‌ به‌ پلان و ستراتیجییه‌تی كه‌رتی وزه‌یدا ئه‌م بڕیاره‌ی ده‌ركردوه‌، كه‌ به‌ نیازه‌ گرنگی بداته‌ گازی سروشتی.

رێكخراوی ئۆپیك له‌ 40% ی نه‌وتی خاوی جیهانی له‌به‌رده‌ست دایه‌، دوای كشانه‌وه‌ی قه‌ته‌ر چاره‌نوسی چ ئه‌بێت؟ ئایا دوای ئه‌و روداوه‌ هێشتا ئه‌توانێت كۆنترۆڵی بازاڕو نرخی نه‌وتی خاو بكات؟.

PUKmedia رۆیته‌رز