كه‌لتوور

.

كه‌لتوور

- تاقه‌ت و ته‌حه‌مولم نه‌ماوه‌ به‌گم، نازانم ئه‌م هه‌موو به‌ڵایه‌ چییه‌ به‌رۆكى گرتووم، به‌ردێك له‌و عاسمانه‌ بكه‌وێته‌ خواره‌وه‌ رێك به‌ر ته‌پڵى سه‌رى من ئه‌كه‌وێ!
- ناشكور مه‌به‌ كوڕم.. ئه‌وه‌ نیعمه‌ته‌.
- ده‌وه‌ره‌ شه‌ق مه‌به‌ له‌داخا!! ئه‌و هه‌موو قۆرت و ده‌ردى سه‌رییانه‌ نیعمه‌تن؟
- به‌ڵێ.. تۆ ته‌ماشاكه‌ و وردبه‌ره‌وه‌.. ئه‌گه‌ر تایتانیك غه‌رق نه‌بوایه‌؟
- ئێ!!
- ئه‌وه‌نده‌ مه‌شهور ئه‌بوو؟
- به‌ساقه‌ى ئه‌و خوایه‌ت بم.. هه‌ر خۆت ئه‌زانى چۆن خه‌ڵك بخه‌ڵه‌تێنى، به‌شه‌ره‌ف ئه‌بوایه‌ مه‌سئول بویتایه‌.
- ئاخر ڕۆڵه‌ گیان ته‌كه‌تول نازانم.
- بۆ!! براده‌ر و ڕه‌فیقت نییه‌؟
- چۆن نیمه‌!؟ به‌رێ وه‌ڵڵا ره‌فیقم هه‌یه‌.
- چه‌ندن؟
- ئاخر كه‌ى؟ وه‌ختێ من ئیشم پێیان ئه‌بێ یان وه‌ختێ ئه‌وان ئیشیان ئه‌كه‌وێته‌ منه‌وه‌؟
- ئۆهۆو.. دیسان مه‌سه‌له‌كه‌ت كرده‌وه‌ به‌ فه‌لسه‌فه‌.. به‌خوا باوكم من ئه‌ڕۆم.
- مه‌ڕۆ.. وه‌ره‌ ئه‌م وتاره‌ش له‌گه‌ڵ ده‌ستى خۆتا ببه‌ با چاپى بكه‌ن.. هى فیڕنه‌گوله‌یه‌.
- ده‌رباره‌ى چییه‌ به‌گم؟
- ده‌رباره‌ى توندوتیژییه‌ له‌سه‌ر ژنان.
- جا ئه‌وه‌ خۆ مه‌وعیدى به‌سه‌رچووه‌ ئوستاز، بیست و پێنجى مانگ بوو، ته‌واو.
- ڕۆڵه‌ گیان ئه‌و مه‌وزوعه‌ پێویسته‌ هه‌موو ڕۆژێ باس بكرێ.
- باسى چى؟ كوللى ڕۆژێ بڵێین ئیتر له‌ ژن مه‌ده‌ن؟
- هه‌ر لێدان نییه‌ مه‌سه‌له‌كه‌ ڕۆڵه‌.. نه‌گبه‌تییه‌كه‌ له‌ كه‌لتووردایه‌.. ئه‌بێ ئه‌و كه‌لتووره‌ نه‌هێڵین.
- تێناگه‌م.. مه‌خسه‌دت چییه‌ له‌ كه‌لتوور؟
- ئه‌ها.. ئێستا مه‌سه‌له‌ن به‌ ره‌ئى جه‌نابت ئه‌گه‌ر مێردێك سه‌رسه‌رى و تلیاك كێش ده‌رچوو خه‌تاى كێیه‌؟
- ته‌بعه‌ن خه‌تاى ژنه‌كه‌یه‌ نه‌یتوانیوه‌ ته‌مێى بكات.
- ئه‌ى ئه‌گه‌ر هه‌ر له‌ ئه‌سڵا قوڕمساغ و شه‌ڕانى و تووڕه‌ و تڕۆ بوو، ژن چى بكات؟
- مه‌جبووره‌ ته‌حه‌مولى بكات چونكه‌ پیاوه‌.
- ده‌ ئه‌وه‌یه‌ كلتووره‌كه‌ كوڕم.