PUKmedia یەکێتیی نیشتمانیی کوردستان

پارێزگاری هه‌ڵه‌بجه‌: هه‌رێم و عیراق بەدەنگ پێداویستییەكانمانەوە هاتوون


27/11/2018 17:04:00
چاپ کردن
بە وێنەوە    بە بێ وێنە
           
.

ئیداره‌ی پارێزگای هه‌ڵه‌بجه‌ كارنه‌مه‌یه‌كی گشتگیر سه‌باره‌ت به‌ هه‌موو كێشه‌ و پێداویستیه‌كانی سنوری پارێزگای هه‌ڵه‌بجه‌ پێشكه‌ش به‌ حكومه‌تی هه‌رێمی كوردستان ده‌كات و حكومه‌تیش وه‌ڵامدانه‌وه‌یه‌كی دڵخۆشكه‌رانه‌ی بۆ به‌جێگه‌یاندنی پێداویستیه‌كانی پارێزگاكه‌ هه‌یه‌ و دواتریش كارنامه‌یه‌كی ترى تایبه‌ت به‌ كه‌یسی هه‌ڵه‌بجه‌ پێشكه‌شی حكومه‌تی فیدراڵی ده‌كرێت.

ئازاد تۆفیق پارێزگاری هه‌ڵه‌بجه‌ له‌ چاوپێكه‌وتنێكیدا له‌گه‌ڵ PUKmedia رایگه‌یاند: دوای كۆبونه‌وه‌ی تیمی ئیداره‌ی هه‌ڵه‌بجه‌ له‌گه‌ڵ سه‌رجه‌م به‌ڕێوه‌به‌ری ناحیه‌كانی ( به‌مۆ، سیروان، خورماڵ، بیاره‌ ) و به‌ڕێوه‌به‌ره‌ گشتیيه‌كانی پارێزگاكه‌، به‌ ئاماده‌بوونی جێگری پارێزگار و قائیمقامی هه‌ڵه‌بجه‌، كارنامه‌یه‌كمان ئاماده‌كردوه‌، كه‌ له‌سێ فۆرمدا خۆی ده‌بینێته‌وه‌، یه‌كێكیان بۆ حكومه‌تی هه‌رێمی كوردستان و یه‌كێكیان بۆ حكومه‌تی عیراق و یه‌كێكیان بۆ كۆمه‌ڵگای نێوده‌وڵه‌تی.

وتیشی: ئه‌و كارنامه‌یه‌ی پێشكه‌شی حكومه‌تی هه‌رێم ده‌كرێت پێكهاتووه‌ له‌، چه‌ند سێكته‌رێك كه‌ ئه‌وانیش، ( په‌روه‌رده‌ و ته‌ندروستی و دارايی و ناوخۆ و كشتوكاڵ و شاره‌وانی و ئاوه‌دانكردنه‌وه‌ )ن، دواتر سه‌ردانی قوباد تاڵه‌بانی جێگری سه‌رۆكی حكومه‌ت و وه‌زاره‌ته‌كانی دارايی و كشتوكاڵ و په‌روه‌رده‌ و ته‌ندروستی و ئاوه‌دانكردنه‌وه‌و شاره‌وانی)مان كردوه‌و كه‌ سه‌رجه‌م داواكارییه‌كانمان پێبوه‌و هه‌موو ئه‌و كه‌سانه‌ی سه‌ردانیشمان كردون بۆ هه‌ڵه‌بجه‌ وه‌ڵامدانه‌وه‌ی باشیان هه‌یه‌، ئیستیجابه‌یان له‌سه‌ر زۆرینه‌ی داواكارییه‌كان ده‌ربڕیوه‌و ده‌ڵێن هه‌ڵه‌بجه‌ پارێزگایه‌كه‌ ده‌بێت هاوكاری بكه‌ین و گرنگی پێبده‌ین هه‌تا به‌ته‌واوی دروست ده‌بێت و دێته‌ ئاستی پارێزگاكانی تر.

ئاماژه‌ی به‌وه‌شكرد، ئه‌و كارنامه‌یه‌ی بۆ حكومه‌تی هه‌رێم ئاماده‌كراوه‌ 80% ی كاره‌كانی ته‌واو بوه‌و ته‌نها پێویسته‌ جارێكی تر سه‌ردانی نێچیرڤان بارزانی سه‌رۆكی حكومه‌تی هه‌رێمی كوردستان و قوباد تاڵه‌بانی جێگری سه‌رۆكی حكومه‌ت بكه‌ین و هه‌وڵده‌ده‌ین بتوانین له‌ ماوه‌ی دوو مانگی یه‌كه‌می ده‌ستبه‌كاربوونی من وه‌ك پارێزگاری هه‌ڵه‌بجه‌، كاره‌كانمان له‌گه‌ڵ حكومه‌تی هه‌رێم كۆتایی پێبهێنین.

ئه‌وه‌يشی خسته‌روو، كه‌ نێچیرڤان بارزانی سه‌رۆكی حكومه‌تی هه‌رێمی كوردستان و قوباد تاڵه‌بانی جێگری سه‌رۆكی حكومه‌ت له‌ ئێستا و رابردووش زۆر به‌ده‌نگ كه‌یسی هه‌ڵه‌بجه‌وه‌ بوون.

ئازاد تۆفیق وتیشی: دوا به‌دوای كۆتاییهاتنی كاره‌كانمان له‌گه‌ڵ حكومه‌تی هه‌رێم ئه‌و كه‌یسانه‌ی په‌یوه‌ندیان به‌ حكومه‌تی فیدراڵییه‌وه‌ هه‌یه‌، كه‌خۆی له‌ به‌پارێزگابوونی هه‌ڵه‌بجه‌دا ده‌بینێته‌وه‌، ده‌به‌ینه‌ به‌غدا و له‌گه‌ڵ سه‌رۆك كۆمار و سه‌رۆك وه‌زیران و وه‌زاره‌تی ناوخۆ و دارايی و بازرگانی عیراق كۆده‌بینه‌وه‌.

ئه‌وه‌شی راگه‌یاند، كه‌ جێگای دڵخۆشییه‌ د. به‌رهه‌م سه‌رۆك كۆماری عیراق كورده‌ و ئاگاداری كه‌یسی هه‌ڵه‌بجه‌یه‌و زۆر به‌ده‌نگیه‌وه‌یه‌ و هاوكات عادل عه‌بدولمه‌هدی سه‌رۆك وه‌زیرانی عیراق زۆر هاوسۆزی بۆ پرسی كورد و به‌تایبه‌ت كه‌یسی هه‌ڵه‌بجه‌ هه‌یه‌ و ئه‌مه‌ش واده‌كات كه‌ داواكارییه‌كانی پارێزگاكه‌ به‌ زوويی جێبه‌جێ بكرێن.

هاوكات هه‌ر ئه‌مڕۆ له‌ كۆنگره‌یه‌كی رۆژنامه‌وانیدا پارێزگاری هه‌ڵه‌بجه‌ ئاماژه‌ی به‌وه‌كرد، كه‌ كارنامه‌كه‌یان گشتگیره‌و هه‌موو ئه‌و كێشانه‌ ده‌گرێته‌وه‌ كه‌له‌ سنوری پارێزگای هه‌ڵه‌بجه‌ هه‌ن و بواره‌كانی دامه‌زراندن و میلاكات و كردنه‌وه‌ی به‌ڕێوه‌به‌رایه‌تیه‌كانی سه‌ربه‌ حكومه‌تی هه‌رێم و عیراقیش له‌ خۆده‌گرێت.

وتوشیه‌تی، دووشه‌ممه‌ی داهاتوو كارنامه‌كه‌یان پێشكه‌شی كه‌ناڵه‌كانی راگه‌یاندن ده‌كه‌ن.

PUKmedia هاژه‌ باست

وێنە هەواڵ
  • image04
  • سه‌رۆك كۆمار پێشوازی له‌ نادیه‌ موراد ده‌كات

  • image04
  • بانه‌ شیوه‌ن ده‌گێڕێت

  • image04
  • كۆبونه‌وه‌ی مه‌كته‌بی سیاسی یه‌كێتی

  • image04
  • به‌فر حاجی ئۆمه‌ران-ی سپی كرد

  • image04
  • له‌سلێمانی په‌رده‌ له‌سه‌ر په‌یكه‌ری شار لادرا

  • image04
  • كەمال موفتی و شێخ حەمە ئەمین شێخ ئەولاك

  • image04
  • ژنانی سه‌ركرده‌ له‌ كۆبوونه‌وه‌ی G20

  • image04
  • سلێمانی ته‌رمی فه‌ریقی یه‌كه‌م كه‌مال موفتی له‌ ئامێزده‌گرێت


                                           

حزبی شیوعی: 16ی ئۆكتۆبه‌ر ده‌رهاویشته‌ی ریفراندۆم بوو


هاوڕێ باباعەلی: 16ی ئۆکتۆبەر دەرهاویشتەو کاردانەوەی ڕیفراندۆم بوو، ئۆپۆزیسیۆنی کوردی خەڵکیان توشی نائومێدیکردڕەخنەی لەسەردانەکەی مەسعود بازرانی گرت بۆ بەغدا.

لەئێوارە کۆ...


  هەزار و 300 هێلەك زەردی فەرەنسی دەستگیردەكرێن
  ئه‌ڵمانیا.. ئیواره‌یه‌كی هاورمۆنیای ره‌نگ و سروشت به‌ڕێوه‌چوو
                                           

پارێزگاری هه‌ڵه‌بجه‌: هه‌رێم و عیراق بەدەنگ پێداویستییەكانمانەوە هاتوون


ئیداره‌ی پارێزگای هه‌ڵه‌بجه‌ كارنه‌مه‌یه‌كی گشتگیر سه‌باره‌ت به‌ هه‌موو كێشه‌ و پێداویستیه‌كانی سنوری پارێزگای هه‌ڵه&...


  چوونه‌ده‌ره‌وه‌ی به‌ریتانیا له‌ یه‌كێتی ئه‌وروپا په‌سه‌ندكرا
  كەژاڵ ئەحمەد: ڕاگەیاندن غەدری زۆری لێكردووم
                                           

15 ساڵ به‌سه‌ر ده‌ستگیركردنی سه‌دام دا تێده‌په‌ڕێت

له‌13-12-2003 دا له‌دوای‌ خۆحه‌شاردان بۆ ماوه‌ی‌ نزیكه‌ی‌ هه‌شت مانگ، (سه‌دام حسێن) سه‌رۆكی‌ رژێمی‌ پێشووی‌ عیراق ل...


  دوه‌مین كۆنفرانسی نێوده‌وڵه‌تی زانكۆكانی سلێمانی و زانكۆی سنه‌
  به‌ڤیدیۆ.. PUKmedia دانپێدانانی چه‌ند تیرۆرستێكی خۆكوژ بڵاوده‌كاته‌وه‌


کاریکاتێر