كە لگاو ئەكات

.

كە لگاو ئەكات
- وەرە سەیركە وەرە .. ئەها رەسمەكەی كە دوێنێ‌ بە مۆبایلەكەم گرتم چەند جوانە؟!
+ عەیب نەبێ‌ ئەوەی كە خۆم بۆم گرتی؟!.. ئادەی.. ئەڵڵا.. بەگم بە ڤایبەر بۆم بنێرە با بچم لە بازاڕ گەورەی كەم
- رەسمەكە گەورە ئەكەی؟
+ ئەرێ‌ وەڵڵا بەقەد رەسمەكەی خاڵەباوكەی لێ‌ ئەكەم و لە چوارچێوەی ئەگرم..
- نا.. خراپە.. رەسم ئەگەر گەورەی بكەی كوالیتییەكەی نزم ئەبێتەوە.
+ گەورەی بكەی كوالیتییەكەی نزم ئەبێتەوە؟
- بەڵێ‌ عەینەن ئینسان.. ئینسانیش ئەگەر گەورەی بكەی كوالیتییەكەی دێتە خوارەوە.
+ ئێ‌ ئێ‌ تێ‌گەیشتم.. یەعنی ئەم مەسئولانە بۆیە كوالیتییەكەیان خراپە خۆمان گەورەمان كردوون.
- رۆڵە من كەی وام وتووە ئەی هاوار؟! بۆ لە هیچی نەبوو سەرئێشەم بۆ دروست ئەكەی
+ خەمت نەبێ‌ ئوستاز .. مەسئولەكان لەبەر سیاسەت فریای تۆ ناكەون
- سیاسەت ئەكەن؟! وەڵڵاهی پێم ناخۆشە.
+ عەجایەب!! بۆچی پێت ناخۆشە قوربان؟
- چونكە سیاسەت قومارە قومار ..
+ جا لەدەوری سەرت بگەڕێم قومار عەیبی چییە؟! ئەگەر لێ‌ی بزانی بۆ خۆت ئەبی بە یەكشەوە
- رۆڵە قومار هەمووی شانسە .. لێزانینی چی؟
+ وا نییە بەگم .. من حیزب ئەناسم زۆر چاكی لێ‌ ئەزانێ‌
- چۆن زۆر چاكی لێ‌ ئەزانێ‌؟
+ بەگم، كە لگاو ناكا
- ئێ‌
+ خۆ ناچێ‌ وەك ئەم نەگبەتانەی ئێرە لەسەر قەرە داینێ‌؟
- ئەی
+ لەسەر تاجیش و دیناریش و لەنگەریش و كوپیش و سینەكیش و قەرەش دایئەنێ‌
- یەعنی چۆن؟
- یەعنی عیلاقەی لەگەڵ .. عەفوو یەعنی ئیمانی بە هەموو هینەكان هەیە