كوردو توركمان بۆ كێشەی زەوی و زار هەماهەنگی دەكەن

.

بۆ یەكەمین جار توركمان دەستپێشخەری دەكات بۆ هەماهەنگیكردن لەگەڵ كورد بەمەبەستی فشارخستنە سەر حكومەتی ناوەند بەمەبەستی چارەسەركردنی كێشەی زەوی و زارو كشتوكاڵی كەركوك.

مەردان عەبدولڕەحمان، سەرۆكی لقی كەركوكی یەكێتی جوتیارانی كوردستانیش بۆ رایگەیاند: پێش چەند رۆژێك جوتیارانی نەتەوەی توركمان سەردانیان كردون تا بە هاوبەشی كار لەسەر كێشەی زەوییە كشتوكاڵییەكانمان بكەین.

ئاماژەی بەوەشكردوە: هەردوولا رێككەوتوون لەسەر ئەنجامدانی كاری هاوبەش، وەك ئەنجامدانی رێپێوانێك یاخود سەردانی وەزیری كشتوكاڵی عیراق بۆ چارەسەركردنی كێشەی زەوییە كشتوكاڵییەكانی كەركوك.

ئەوەشی وتوە: توركمانەكانیش گەیشتونەتە ئەو راستییەی كە زەوییەكانیان داگیردەكرێت و مافیان دەخورێت، بۆشیان دەركەوتووە ئەگەر بیانەوێت مافەكانیان بەدەستبهێننەوە تەنها لە رێگای كوردو بەكاری هاوبەشەوە پێیان دەكرێت.

PUKmedia لەهەواڵەوە وەگیراوە