لەكەركوك دەستبەسەر بڕێكی زۆر دەرماندا دەگیرێت

.

لە گەڕەكێكی خواروی شاری كەركوك دەستبەسەر بڕێكی زۆری دەرمانی قاچاغدا دەگیرێت كە بڕەكەی بە دوو ملیار دینار مەزەندە دەكرێت.

سەرچاوەیەكی ئەمنی باڵا، بە هەفتەنامەی (هەواڵ)ی، رایگەیاندوە: دەزگا ئەمنیەكانی كەركوك لەگەڕەكی دۆمیزی خوارووی شارەكە، دەستیان بەسەر بڕە دەرمانێكی زۆری بێ مۆڵەتدا گرتووەو بەپێی خەمڵاندنەكانی پسپۆڕانی دەرمانسازیش نرخی دەرمانە قاچاغەكان دەگاتە دوو ملیار دیناری عیراقی.

بەپێی وتەی سەرچاوەكە: ئەو بڕە دەرمانە لە مالێكدا حەشاردرابوو كە هیچ مۆڵەتیكی یاسایی و وەزارەتی تەندروستی نەبووە.

ئەوەشی راگەیاندوە: هاوردەكردنی ئەو بڕە زۆرە دەرمانە بەڕێگایەكی قاچاغ و نایاسایی هاتۆتە شارەكەوە.

بەڕێوبەری راگەیاندنی فەرمانگەی تەندروستی كەركوك و بەڕێوەبەری بەشی تەندروستی گشتی لە فەرمانگەی تەندروستی كەركوكیش بەبیانوی پەیوەست نەبوونیان بەو بابەتەو نەبوونی زانیاریی ئامادەنەبوون هیچ لێدوانێك لەو بارەیەوە بدەن.

PUKmedia لەهەواڵەوە وەرگیراوە