رونكردنه‌وه‌یه‌ك له‌ سه‌رۆكایه‌تی كۆماره‌وه‌

.

نوسینگه‌ی راگه‌یاندنی سه‌رۆك كۆمار هه‌واڵێكی میدیاكانی كه‌نداو له‌باره‌ی ناوبژیوانیكردنی عیراق له‌سه‌ر دانوستانی ئیران و سعودیه‌ ره‌نكردنه‌وه‌یه‌ك بڵاو ده‌كاته‌وه‌.

ده‌قی رونكردنه‌وه‌كه‌...........

میدیاکانی کەنداو  لە سەرچاوەیەکی (نا فەرمی )یەوە هەواڵێکیان بڵاوکردووەتەوە گوایە ئێران بابەتی  دانوستانی خستووەتە بەردەم عەرەبستانی سعودی و سەرۆکی عێراق پێشنیازی کردووە ناوبژیوانی بکات، بۆ ئەو مەبەستەش نامەیەکەی لە هاوتا ئێرانییەکەیەوە گەیاندووەتە حکومەتی ریاز .

لە کاتێکدا ئێمە دووپاتی دەکەینەوە کە ئەو هەواڵە بەهیچ جۆرێک ڕاست نییە، لە هەمان کاتدا ڕایدەگەیەنین پێویستە بۆ وەرگرتنی زانیاری وەها ورد جەخت لە سەرچاوەی باوەڕ پێکراو بکرێتەوە چونکە ئەو شێوازە دەگونجێت لەگەڵ پیشەیی بوونی ڕاگەیاندندا.

ھەر بابەتێک کە پەیوەستە بە وردەکارییەکانی گەشتەکەی ئەم دواییەی سەرۆک کۆمار د. بەرهەم ساڵح، ئێمە وتەکانی سەرۆک کۆمار دووبارە دەکەینەوە کە لە هەموو دیدارەکانیدا دووپاتیکردووتەوە لەوەی عێراق رۆڵی ناوبژیوانی ناگێڕێت هێندەی هەوڵ دەدات بۆ پێویستی بەدور گرتنی عێراق لە بەرکەوتەی ململانێکان لە ناوچەکەدا، هاوکات بەڕێزیان دووپاتی دەکاتەوە عێراق خاڵی بەیەک گەیاندن و پێکگەیشتنی بەرژەوەندییە هاوبەشەکانی دەوروبەرە عەرەبی و ھەرێمایەتیەکەیەتی لە رێی هەوڵەکانیەوە بۆ پتەوکردنی دۆستایەتی و برایەتی کە تەواوی سەروەری وڵاتانی تر پارێزراو بێت و رێز لەیەکتری بگرن.


‎PUKmedia نوسینگەی ڕاگەیاندنی سەرۆک کۆمار