د. به‌رهه‌م بایه‌خی كاراكردنی ئابوری له‌گه‌ڵ سعودییه‌ دوپاتده‌كاته‌وه‌

.

سەرۆک بەرهەم ساڵح بایەخ و گرنگی کاراکردنی هاریکاریی بازرگانی و ئابووری لەگەڵ سعودیه‌ دووپات دەکاتەوە.

 
ئەمڕۆ دووشەممە ٢٠١٨/١١/١٩ د. بەرهەم ساڵح لە شوێنی مانەوەی لە ریازی پایته‌ختی سعودیه‌ پێشوازیکرد لە بەڕێزان ماجید قسبی وەزیری بازرگانی و وەبەرهێنان و خالید فالح وه‌زیری وزە و سامانی کانزای لە شانشینی سعودی.
 
سەرۆک کۆمار لە وتەکانیدا لەگەڵ هەردوو وەزیردا دووپاتیکردەووە کە پێویستە هاریکارییەکان لە بواری ئابووری، بازرگانی ،کشتوکاڵ و کەرتی نەوتدا کارا بکرێن بەو جۆرەی پەیوەندیەکانی نێوان هەردوو وڵات بەهێزتر دەکات.

هەر لەو دیدارەدا تەئکیدکرایەوە لەسەر گرنگی پەرەپێدانی زیاتری رێوشوێنەکانی بەرزکردنەوەی ئاستی ئاڵوگۆڕکردنی بازرگانی و ئابووری لە نێوان هەردوو وڵات و ئاڵوگۆڕی  شارەزای و هەماهەنگی هاوبەش لە هەموو بوارەکاندا.

لای خۆیانه‌وه‌ وەزیری بازرگانی و وەبەرهێنان و وه‌زیری وزە و سامانی کانزای سعودی نیازی شانشینی عەرەبی سعودییان  خستەرو لە پشتیوانیکردنی هاوبه‌شی ئابووری و هاریکایی وەبەرهێنان لە نێوان عێرق و سعودیدا، هاوکات ئەوەشیان دووپات کردەووە کە وڵاتەکەیان مەبەستێتی ئاسۆی هاریکاریی لە نێوان هەردوولادا بێتەکایەوە بەو جۆرەی کە بەرژەوەندی هەردوو گەلی برای دەستەبەر دەکات.

محەمەد حەکیم وەزیری دەرەوە، ساڵح جبوری وەزیری پیشەسازی و ژمارەک لە راوێژکار و پسپۆڕانی هەردوولا ئامادەی دیدارەکە بوون.

PUKmedia راگه‌یاندنی سه‌رۆك كۆمار