داواكاری كارمه‌ندانی كۆمسیۆن ده‌برێته‌ نوێنه‌ران

.

كارمه‌ندانی گرێبه‌ستی كۆمسیۆنی ھه‌ڵبژاردنه‌كانی عیراق گردبوونه‌وه‌یه‌كی ناڕه‌زاییان رێكخست و په‌رله‌مانتارانی كوردیش به‌ڵێن ده‌ده‌ن داواكارییه‌كانیان بگه‌یه‌ننه‌ ئه‌نجومه‌نی نوێنه‌ران و ھه‌وڵی چاره‌سه‌ركردنی بده‌ن.

سه‌رچاوه‌یه‌ك له‌ شاری هه‌ولێر ئه‌مڕۆ 19-11-2018، به‌ PUKmediaی راگه‌یاند: كارمه‌ندانی گرێبه‌ستی كۆمسیۆنی باڵای ھه‌ڵبژاردنه‌كانی عیراق گردبوونه‌وه‌یه‌كی ناڕه‌زاییان له‌ به‌رده‌م نوسینگه‌ی ھه‌ولێری ئه‌نجومه‌نی نوێنه‌رانی عیراق ئه‌نجامداو داوایانكرد، كه‌ له‌ گرێبه‌سته‌وه‌ بكرێن به‌ ھه‌میشه‌یی.

چه‌ند په‌رله‌مانتارێكیش به‌ڵێنیان به‌ كارمه‌نده‌ گرێبه‌سته‌كانی كۆمسیۆندا داواكارییه‌كانیان بگه‌یه‌ننه‌ ئه‌نجومه‌نی نوێنه‌رانی عیراق، به‌ تایبه‌تی له‌ ئێستادا ئه‌نجومه‌نی نوێنه‌ران له‌ ھه‌وڵی په‌سه‌ندكردنی بودجه‌ی 2019 دایه‌و ھه‌لێكه‌ ھه‌تا بودجه‌یه‌كی پێویست بۆ كۆمسیۆن ته‌رخانبكرێت.

PUKmedia تایبه‌ت