ناوه‌ڕۆكی كۆبونه‌وه‌ی هاوپه‌یمانان و هه‌سه‌ده‌

.

دوێنێ دوای بۆردومانه‌كانی سوپای توركیا بۆ سه‌ر سنوره‌كانی رۆژئاوای كوردستان، وه‌فدێكی سه‌ربازی هاوپه‌یمانی نێوده‌وڵه‌تی گه‌یشتنه‌ عامووداو له‌گه‌ڵ هه‌سه‌ده‌ كۆبونه‌وه‌.

شیمار حیمۆ چالاكوانی سیاسی له‌رۆژئاوای كوردستان به‌ PUKmedia ی راگه‌یاند: وه‌فدێكی سه‌ربازی مه‌یدانی ئه‌مریكا، كه‌ سه‌ربه‌ هێزه‌كانی هاوپه‌یمانی نێوده‌وڵه‌تین گه‌یشتوونه‌ته‌ باره‌گای هه‌سه‌ده‌ له‌عاموددای رۆژئاوای كوردستان.

وتیشی" گه‌یشتنی ئه‌و وه‌فده‌ دوای بۆردومان و ئاڵۆزیه‌كانی توركیا دێت بۆ سه‌ر سنوره‌كانی رۆژئاوای كوردستان.

ئه‌و چالاكوانه‌ ووتی: له‌كۆبونه‌وه‌ وه‌فده‌ سه‌ربازیه‌كه‌ دووپاتیان كردوه‌ته‌وه‌،توركیا له‌و هێرشانه‌ ئاگادار كراوه‌ته‌وه‌ كه‌ ده‌ست هه‌ڵبگرێت و پێویسته‌ به‌گفتوگۆ چاره‌سه‌ر بكرێت.

جه‌ختیكرده‌وه‌: ئاماژه‌یان به‌وه‌شداوه‌، كه‌ هه‌سه‌ده‌ هاوپه‌یمانی متمانه‌ پێكراو درێژخایه‌نی ئه‌مریكاو هاوپه‌یمانی نێوده‌وڵه‌تی ده‌بێت دژ به‌تیرۆرستان وئه‌وه‌ی ئێستا گرنگه‌ جه‌ختكردنه‌وه‌یه‌ بۆ له‌ناوبردنی تیرۆرستان.

PUKmedia سامان یاروه‌یس