سوپای سوریا چه‌ند ناوچه‌یه‌ك له‌ سوه‌یدا كۆنتڕۆڵ ده‌كاته‌وه‌

.

سوپای سوریا به‌ پشتیوانیی هێرشه‌ ئاسمانییه‌كان، چه‌ند ناوچه‌یه‌كی له‌ ده‌وروبه‌ری پارێزگای سوه‌یدا له‌ژێر ده‌ستی تیرۆرستانی داعش ده‌رهێنا.

میدیای ره‌سمیی سوریا بڵاویكرده‌وه‌، سوپای سوریا به‌ پشتیوانیی هاوپه‌یمانه‌كانی له‌ سوه‌یدا له‌ پێشڕه‌ویدایه‌ و توانیویه‌تی به‌رزاییه‌كانی (ئه‌لسه‌فا) له‌ باشووری خۆرهه‌ڵاتی سوریا له‌ده‌ست تیرۆرستانی داعش رزگاربكات.

سوپای سوریا ماوه‌ی زیاتر له‌ سێ مانگه‌ ئۆپراسیۆنێكی سه‌ربازی له‌ ناوچه‌كانی سوه‌یدا ده‌ستپێكردووه‌، كه‌ تیرۆرستانی داعش له‌ ساڵی رابردووه‌وه‌ ده‌ستیانبه‌سه‌ردا گرتووه‌وه‌و له‌ مانگی ته‌مووزی ئه‌مساڵدا زنجیره‌یه‌ك هێرشیان كرده‌ سه‌ر شاره‌كه‌و له‌و هێرشانه‌شدا زیاتر له‌ 200 كه‌س كوژران و ژماره‌یه‌كی زۆریش برینداربوون.

PUKmedia ئاژانسه‌كان