بۆ چاره‌سه‌ركردنی كێشه‌ی زه‌وی و زار كورد و توركمان هه‌ماهه‌نگی ده‌كه‌ن

.

بۆ یه‌كه‌مین جار توركمان ده‌ستپێشخه‌ری ده‌كات بۆ هه‌ماهه‌نگیكردن له‌گه‌ڵ كورد به‌ مه‌به‌ستی فشارخستنه‌ سه‌ر حكومه‌تی ناوه‌ند به‌ مه‌به‌ستی چاره‌سه‌ركردنی كێشه‌ی زه‌وی و زارو كشتوكاڵی كه‌ركوك.

مه‌ردان عه‌بدولڕه‌حمان، سه‌رۆكی لقی كه‌ركوكی یه‌كێتی جوتیارانی كوردستان رایگه‌یاند: پێش چه‌ند رۆژێك جوتیارانی نه‌ته‌وه‌ی توركمان سه‌ردانیان كردووین تا به‌ هاوبه‌شی كار له‌سه‌ر كێشه‌ی زه‌وییه‌ كشتوكاڵییه‌كانمان بكه‌ین.

ئاماژه‌ی به‌وه‌شكرد: هه‌ردوولا رێككه‌وتوون له‌سه‌ر ئه‌نجامدانی كاری هاوبه‌ش، وه‌ك ئه‌نجامدانی رێپێوانێك یاخود سه‌ردانی وه‌زیری كشتوكاڵی عیراق بۆ چاره‌سه‌ركردنی كێشه‌ی زه‌وییه‌ كشتوكاڵییه‌كانی كه‌ركوك.

وتیشی: توركمانه‌كانیش گه‌یشتووینه‌ته‌ ئه‌و راستییه‌ی كه‌ زه‌وییه‌كانیان داگیرده‌كرێت و مافیان ده‌خورێت، بۆشیان ده‌ركه‌وتووه‌ ئه‌گه‌ر بیانه‌وێت مافه‌كانیان به‌ده‌ستبهێننه‌وه‌ ته‌نها له‌ رێگای كوردو به‌ كاری هاوبه‌شه‌وه‌ پێیان ده‌كرێت.

PUKmedia هه‌فته‌نامه‌ی هه‌واڵ