ده‌رمانی قاچاغ له‌كه‌ركوك ده‌ستی به‌سه‌ردا ده‌گیرێت

.

له‌گه‌ڕه‌كێكی خواروی شاری كه‌ركوك ده‌ستبه‌سه‌ر بڕێكی زۆری ده‌رمانی قاچاغ ده‌گیرێت كه‌ بڕه‌كه‌ی به‌ دوو ملیار دینار مه‌زه‌نده‌ ده‌كرێت به‌ شێوازی نایاسایی هێنراوه‌ته‌ شاره‌كه‌.

سه‌رچاوه‌یه‌كی ئه‌منی باڵا رایگه‌یاند: ده‌زگا ئه‌منیه‌كانی كه‌ركوك له‌ گه‌ڕه‌كی دۆمیزی خوارووی شاره‌كه‌، ده‌ستیان به‌سه‌ر بڕه‌ ده‌رمانێكی زۆری بێ مۆڵه‌تدا گرتووه‌. ئه‌وه‌شی خسته‌روو: به‌پێی خه‌مڵاندنه‌كانی پسپۆرانی ده‌رمانسازی نرخی ده‌رمانه‌ قاچاغه‌كان ده‌كاته‌ دوو ملیار دیناری عیراقی.

ئه‌و بڕه‌ ده‌رمانه‌ له‌ مالێكدا حه‌شاردرابوو كه‌ هیچ مۆڵه‌تیكی یاسایی و وه‌زاره‌تی ته‌ندروستی نه‌بووه‌.

هاوكات راشیگه‌یاند: هاورده‌كردنی ئه‌و بڕه‌ زۆره‌ ده‌رمانه‌ به‌ رێگایه‌كی قاچاغ و نایاسایی هاتۆته‌ شاره‌كه‌وه‌.

هه‌ریه‌كه‌ له‌ به‌رێوبه‌ری راگه‌یاندنی فه‌رمانگه‌ی ته‌ندروستی كه‌ركوك و به‌ڕێوه‌به‌ری به‌شی ته‌ندروستی گشتی له‌ فه‌رمانگه‌ی ته‌ندروستی كه‌ركوك ئاماده‌نه‌بوون هیچ لێدوانێك له‌و باریه‌وه‌ بده‌ن.

PUKmedia هه‌فته‌نامه‌ی هه‌واڵ