به‌وێنه‌ .. رێز له‌قوربانیانی رووداوه‌كانی هاتوچۆ ده‌گیرێت

.

له‌سنوری ئیداره‌ی گه‌رمیان پۆلیسی هاتوچۆ، بۆ ماوه‌ی پێنج خوله‌ك وه‌ك رێزگرتنیان له‌قوربانیانی رووداوه‌كانی خاتوچۆ، هاتوچۆی ئۆتۆمبێلیان راگرت.

له‌راگه‌یه‌ندراوێكدا، به‌شی راگه‌یاندنی پۆلیسی هاتوچۆی گه‌رمیان جه‌ختیكردوه‌ته‌وه‌:" به‌ڕێوه‌به‌رایه‌تی هاتوچۆی گه‌رمیان له‌ سنوری ئیداره‌ی گه‌رمیان له‌ كاتژمێر (۱۰:۰۰) بۆ ماوه‌ی (٥) خوله‌ك هاتوچۆی ئۆتۆمبێلی له‌ سه‌رجه‌م شار و شارۆچكه‌كان ڕاگرت".

رونیشكراوه‌ته‌وه‌:" ئامانج لێی یادخستنه‌وه‌ و به‌رز ڕاگرتنی یادی قوربانیانی هاتوچۆ بوو، چونكه‌ ڕووداوه‌كانی هاتوچۆ به‌ ڕێژه‌یه‌كی به‌رچاو به‌رزبووه‌ته‌وه‌ و زیانێكی گیانی زۆری لێ كه‌وتووه‌ و به‌ هه‌زاران بریندار و كه‌مئه‌ندامی لێ كه‌وتووه‌ته‌وه‌ له‌ هه‌رێمی كوردستاندا"ز

ئاماژه‌ به‌وه‌شدراوه‌:" هه‌ر بۆیه‌ به‌شی ڕاگه‌یاندنی هاتوچۆی گه‌رمیان به‌ به‌رده‌وامی و به‌ ڕێگای جۆراو جۆر هه‌وڵی داوه‌ و به‌رده‌وامه‌ له‌ هۆشیاركردنه‌وه‌ی شۆفێران و پێدانی ڕێنمایی و بڵاوكردنه‌وه‌ی ڕێنمایی جۆراوجۆر له‌ پێناو كه‌مكردنه‌وه‌ی ڕووداوه‌كان و قوربانیانی هاتوچۆدا".

PUKmedia  راگه‌یاندنی هاتوچۆی گه‌رمیان