به‌غدا .. رۆژێك نیه‌ كه‌سێك نه‌كوژرێت

.

چالاكوانانی مه‌ده‌نی له‌شاری به‌غدا نیگه‌رانن له‌دۆخی ئه‌منی شاره‌كه‌، به‌تایبه‌ت رێژه‌ی كوشتن و رفاندن به‌رزبووه‌ته‌وه‌.

ئه‌حمه‌د عه‌باس مه‌حمود، چالاكوانی مه‌ده‌نی له‌رێكخراوه‌كانی تایبه‌ت به‌ فریاكه‌وتنه‌ مرۆییه‌كان  به‌ PUKmedia ی راگه‌یاند: له‌ماوه‌ی چه‌ند مانگی رابردوو رێژه‌ی كوشتن و رفاندن له‌ناو شاره‌كه‌و ناحیه‌و قه‌زاكانی ده‌وروبه‌ری زیادیكردوه‌.

وتیشی: رۆژێك نیه‌ له‌م شاره‌ كه‌سێك نه‌كوژرێت، یان نه‌ڕفێندرێت، یان دزیه‌ك نه‌كرێت.

جه‌ختیكرده‌وه‌: راسته‌ شاره‌كه‌ گه‌وره‌یه‌و شتی وا ده‌بێت، به‌ڵام رێژه‌كه‌ زۆر به‌رزه‌و ده‌كرێت هێزه‌ ئه‌منیه‌كان و هه‌واڵگریه‌كان چاو كراوه‌تربن له‌ئاستی رووداوه‌كان.

ئه‌و چالاكوانه‌ ئاشكرایكرد: له‌ماوه‌ی هه‌فته‌ی رابردوودا 11 حاڵه‌تی دزینی زێڕو، حه‌وت خاڵه‌تی خۆكوشتن و 9 حاڵه‌تی كوشتن و 5 حاڵه‌تی رفاندن روویداوه‌.

PUKmedia سامان یاروه‌یس