شنگال.. گۆڕێكی بەكۆمەڵی دیكە دەدۆزرێتەوە

.

ئەمڕۆ 17-11-2018 لە ناحیەی گرعزێری قەزای شنگال گۆڕێكی بەكۆمەڵی دیكە كە 7 ژنی تێدابوو دۆزرایەوە، سەرپەرشتیاری مەڵبەندی شنگالیش رایدەگەیەنێت، رۆژانە لە قەزاكە گۆڕی بەكۆمەڵ دەدۆزرێتەوە.

حسێن دەرمان سەرپەرشتیاری مەڵبەندی شنگال بە PUKmedia ی راگەیاند: رۆژانە بەهۆی ئەوەی خەڵكی قەزاكە دەگەڕێنەوە زێدی خۆیان گۆڕی بەكۆمەڵ دەدۆزرێتەوە.

وتیشی: ئەمڕۆش لە ماڵێكدا لە گۆڕێكی بەكۆمەڵدا تەرمی 7 ژنی ئێزیدی دۆزرانەوە كە بەجلوبەرگەكانیاندا لە ژنی بەتەمەن دەچن.

لەدوای شەڕی داعشەوە تا ئێستا بەو گۆڕە بەكۆمەڵەوە كە ئەمڕۆ دۆزرایەوە 60 گۆڕی بەكۆمەڵی ئێزیدیان دۆزراونەتەوە. 

PUKmedia  تاژاو محەمەد