ژنێك خۆی هه‌ڵواسی و گیانی له‌ده‌ستدا

.

له‌سنوری قه‌زای كه‌لار ژنێكی ته‌مه‌ن 28 ساڵان خۆی هه‌ڵواسی و گیانی له‌ده‌ستدا.

رائید عه‌لی جه‌مال قه‌دوری، وته‌بێژی پۆلیسی گه‌رمیان رایگه‌یاندوه‌:" ئێواره‌ی ئه‌مڕۆ شه‌ممه‌ ئاگاداركراینه‌وه‌ له‌حاڵه‌تێكی خۆهه‌ڵواسین له‌گه‌ڕه‌كی مه‌تاره‌كه‌ی قه‌زای كه‌لار".

وتیشی:"دوای گه‌شتنی مه‌فره‌زه‌كانی 104ی كه‌لار به‌شوێنی ڕوداوه‌كه‌ ده‌ركه‌وت ژنێك به‌ناوی (ن، م، ح) له‌دایكبووی 1990 له‌نه‌ته‌وه‌ی عه‌ره‌ب به‌هۆی خۆهه‌ڵواسینه‌وه‌ گیانی له‌ده‌ستداوه‌".

رونیشكراوه‌ته‌وه‌:" به‌وته‌ی مێرده‌كه‌ی ناوبراو ته‌نها خۆی و دوومنداڵه‌كه‌ی له‌ماڵه‌وه‌ بوون و له‌كاتی گه‌ڕانه‌وه‌یدا بۆماڵه‌وه‌ بینیویه‌تی هاوسه‌ره‌كه‌ی خۆی هه‌ڵواسیوه‌ و به‌وهۆیه‌وه‌ گیانی له‌ده‌ستداوه‌".

باسیله‌وه‌شكردوه‌:" له‌ئێستادا به‌مه‌به‌ستی پشكنین ته‌رمه‌كه‌ی ڕه‌وانه‌ی پزیشكی دادوه‌ری قه‌زای كه‌لاركراوه‌و په‌ڕاوی لێكۆڵینه‌وه‌ی بۆكراوه‌ته‌وه‌و ڕه‌وانه‌ به‌شی توندوتیژی ژنان ده‌كردێت به‌مه‌به‌ستی لێكۆڵینه‌وه‌ له‌هۆكاروچۆنیتی حاڵه‌ته‌كه‌".

PUKmedia سامان