فێستیڤاڵی كلتووری كۆریای باشوور له‌سلێمانی به‌ڕێوه‌ده‌چێت

.

ئه‌مڕۆ 17-11-2018 فێستیڤاڵی كلتووری هاوبه‌شی كۆریای باشوور و هه‌رێمی كوردستان به‌ ئاماده‌بوونی كۆنسوڵی كۆریای باشوور له‌ هه‌رێم له‌شاری سلێمانی به‌ڕێوه‌چوو.

له‌وباره‌یه‌وه‌ مامۆستا عه‌بدولقادر به‌ڕێوه‌به‌ری كۆمه‌ڵگه‌ی په‌روه‌رده‌یی له‌سلێمانی ڕایگه‌یاند: فێستیڤاڵی كلتووری هاوبه‌شی كۆریای باشوور و هه‌رێمی كوردستان یه‌كێكه‌ له‌و چالاكییه‌ كلتوریانه‌ی كه‌ ساڵانه‌ به‌ هاوبه‌شی له‌گه‌ڵ كۆریای باشوور به‌ڕێوه‌ده‌چێت، ئه‌مه‌ش له‌پێناو ناساندنی كلتووری كۆری به‌ هه‌رێمی كوردستان و هاوكاتیش ناساندنی كلتوری كوردی به‌ گه‌لی كۆریای باشوور.

وتیشی: بۆ ئه‌مساڵیش كۆمه‌ڵگه‌ی په‌روه‌رده‌یی به‌ چه‌ند چالاكییه‌كی كلتوری به‌شداری له‌فێستیڤاڵه‌ هاوبه‌شه‌كه‌دا كردووه‌، جگه‌ له‌ خوێندكارانی خۆمان، كه‌سانی ده‌ره‌وه‌ی خوێندنگه‌كه‌ش به‌شداری چالاكییه‌كانیان كردووه‌.

ئاماژه‌ی به‌وه‌شدا له‌ فێستڤاڵه‌كه‌شدا چه‌ندین چالاكی وه‌رزشی و هونه‌ری و كلتووری له‌لایه‌ن خوێندكاران و به‌شداربوان نمایش ده‌كرێن كه‌ ده‌توانێت هاوكار بێت بۆ ناساندنی كلتوور.

PUKmedia