یەكێتی: بەشەراكەتی راستەقینە لەحكومەتی نوێدا بەشدار دەبین
ی.ن.ک 01:06 PM - 2018-11-17.
یەكێتی و پارتی تەئكیدی لەسەر پێكهێنانی حكومەتێكی هاوبەش دەكەنەوە كە چوار ساڵی داهاتوو ئارامی سیاسی و ئابوری بەدیبێت و بژێوی خەڵك باشتربكرێت، وتەبێژی یەكێتیش دەڵێت: یەكێتی لەسەر بنەمای شەراكەتی راستەقینە لەحكومەتی نوێی بەشدار بێت، نەك بنەمای بەشداریكردن.
ئەمڕۆ 17ی تشرینی دووەمی 2018، لەبارەگای مەكتەبی سیاسی یەكێتیی نیشتمانیی كوردستان لەسلێمانی، كۆبوونەوەی وەفدی هاوبەشی یەكێتی و پارتی بەڕێوەچوو، دوای كۆتایهاتنی كۆبوونەوەكەش، لەكۆنگرەیەكی رۆژنامەوانی هاوبەشدا،سەعدی ئەحمەد پیرەو مەحمود محەمەد وتەبێژانی هەردوو مەكتەبی سیاسی یەكێتیی نیشتمانیی كوردستان و پارتی دیموكراتی كوردستان ناوەرۆكی كۆبوونەوەیەكەیان بۆ رۆژنامەنوسان و كەناڵەكانی راگەیاندن خستەڕوو.
لەسەرەتایی كۆنگرەكەدا، مەحمود محەمەد وتەبێژی پارتی رایگەیاند: یەكێتی و پارتی لەهەڵبژاردنی پەرلەمانی كوردستان كورسیان هێناوە، بۆیە دەمانەوێت پێكەوە روئیایەكی هاوبەش دروست بكەین بۆ پێكهێنانی حكومەت لەچوار ساڵی داهاتووداو لەگەڵ یەكێتی پێكەوە كار بكەین و هەوڵەكان چڕتر بكەینەوە لەپێناو ئەوەی چوار ساڵی داهاتوو ئارامی سیاسی و ئابوری بەدیبێنین و ببێتە هۆی بوژانەوەی بژێوی ژیانی خەڵك.
وتیشی: لەڕوانگەی بەخەمەوەبوونمان و خوێنی شەهیدانمان پێویستمان بەیەكەو لەگەڵ یەكێتی هاوڕاین لەسەر ئەوەی حكومەتێكی نوێ پێكبهێنرێت كە رەنگدانەوەی سەرجەم حزبەكانی هەرێمی كوردستان بێت، بەڵام هەر لایەنێكیش خۆی نەیەوێت بەشداری حكومەت بكات و ببێتە ئۆپۆزسیۆن خۆی سەرپشكەو رێز لەبڕیاری دەگرین.
وتەبێژی پارتی راشیگەیاند: لەكۆبوونەوەمان لەگەڵ یەكێتی لەسەر ئەو پرسانەی لەكۆبوونەوەكەدا باسكرا، زۆر لێكەوە نزیك بووین و پێشبینی دەكەم لەدوو كۆبوونەوەی ئایندەدا بگەینە رێككەوتن و پێكهێنانی حكومەتی نوێی هەرێم.
ئەوەش وت: یەكێتی و پارتی وەك دوو حزبی مێژووی لەچوار ساڵی ئایندەدا پێكەوە هاوبەش دەبن و پێكەوە كابینەی نوێی حكومەت پێكدەهێنن كە لەپێناو خزمەتی خەڵكدا دەبێت.
هەروەها سەعدی ئەحمەد پیرە وتەبێژی مەكتەبی سیاسی یەكێتیش رایگەیاند: لەئێستادا گفتوگۆكان بۆ پێكهێنانی حكومەتی نوێی هەرێم لەگەڵ لایەنەكان دەستپێكردوەو یەكێتش مەبەستێتی چوار ساڵی ئایندە، چوار ساڵی ئارامی و هەلیكارو خزمەت بێت.
وتیشی: لەكۆبوونەوەكەماندا لەگەڵ وەفدی پارتی تەئكیدمان لەسەر ئەوەكردەوە كە لەهەڵەكانی رابردوو پەند وەربگرین و پێكەوە هەوڵبدەین زیاتر زمەتی خەڵك بكەین.
لەبارەی بەشداریكردنی لایەنەكانی دیكەشەوە، وتی: یەكێتی هێڵی سوری لەسەر هیچ لایەنێك بۆ بەشداری لەحكومەتی نوێی هەرێم نییەو هەر لایەنێكیش دەیەوێت ئۆپۆزسیۆن بێت خۆی سەرپشكە.
وتەبێژی یەكێتی راشیگەیاند: لەگەڵ پارتی لەسەر بنەمای پێكەوە گونجاندنی لایەنەكان پێكهاتوین و دەمانەوێت بەرنامەیەكی تۆكمە بۆ چوار ساڵی ئایندەی حكومەتی هەرێم دابڕێژین.
ئەوەش خستەڕوو: یەكێتی دەیەوێت لەسەر بنەمای شەراكەتی راستەقینە لەحكومەتی نوێی هەرێمی كوردستان بەشدار بێت، نەك لەسەر بنەمای بەشداریكردن.
PUKmedia تایبەت
فۆتۆ: گۆران قادر
هەواڵی زیاتر
-
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25 -
راپۆرتێكی دیكهی نێودهوڵهتی لهسهر خراپی ئازادی لهههرێم بڵاودهكرێتهوه
10:33 AM - 2024-04-25
ئەمانەش ببینە
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
زۆرترین خوێنراو
-
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25 -
هاوخەمی سەرۆک بافڵ بۆکۆچی دوایی خاتوو نیعمەت
پرسەنامە 04:11 PM - 2024-04-25 -
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
کوردستان 01:36 PM - 2024-04-25 -
شێخ جەعفەر شێخ مستەفا: کۆمەڵانی خەڵک چاوی ئومێدیان لە یەکێتییە
ی ن ک 01:29 PM - 2024-04-25 -
وەسفییە... ماندوویەکی رووخۆش
کوردستان 12:25 PM - 2024-04-25