سه‌رۆك كۆماری عیراق گه‌یشته‌ تاران

.

سه‌رۆك كۆماری عیراق گه‌یشته‌ تارانی پایته‌ختی ئێران و له‌ لایه‌ن حه‌سه‌ن رۆحانی سه‌رۆك كۆماری ئێرانه‌وه‌ پێشوازی لێكرا.

سه‌رله‌به‌یانی ئه‌مڕۆ شه‌ممه‌، 17-11-2018 سه‌رۆك كۆماری عیراق د. به‌رهه‌م ساڵح، به‌سه‌ردانێكی ره‌سمی گه‌یشته‌ تارانی پایته‌ختی ئیران و له‌لایه‌ن حه‌سه‌ن رۆحانی سه‌رۆك كۆماری ئێرانه‌وه‌ پێشوازی لێكرا.

د. به‌رهه‌م ساڵح، له‌گه‌ڵ سه‌رۆك كۆماری ئێراندا كۆده‌بێته‌وه‌ و چاوی ده‌كه‌وێت به‌ ژماره‌یه‌ك له‌ سه‌ركرده‌ و گه‌وره‌ لێپرسراوانی ئێران و بڕیاریشه‌ له‌ دیداره‌كانیدا، گفتوگۆ بكه‌ن له‌باره‌ی رێوشوێنه‌كانی هاریكاریی و په‌یوه‌ندییه‌ دووقۆڵییه‌كانی هه‌ردوو وڵات و گۆڕانكارییه‌كانی ناوچه‌كه‌.

PUKmedia  راگه‌یاندنی سه‌رۆكایه‌تی كۆمار