پانێڵێك بۆ په‌نابه‌رێكى كورد رێكده‌خرێت

.

به‌شى لێكۆڵینه‌وه‌كانى تایبه‌ت به‌ بابه‌ته‌ كه‌لتورییه‌كانى زانكۆى ماڵبۆرنى ئوسترالی ، پانێڵێكى تایبه‌تى بۆ په‌نابه‌رێكى كورد به‌شێوه‌ى ئۆنلاین رێكخست.

ئه‌و په‌نابه‌ره‌ كورده‌ كه‌ ناوى به‌هرۆز بوچانییه‌، خاوه‌نى چه‌ندین كارى فیلمسازى و نوسینه‌ له‌باره‌ى دۆخى په‌نابه‌ران له‌ كه‌مپه‌كانى دوورگه‌ى مانوسى پاپانیوگینیا و ناورۆ كه‌ كاره‌كانى له‌سه‌ر ئاستى ناوه‌نده‌ ئه‌كادیمى و ڕۆشنبیرییه‌كان پێشوازییه‌كى زۆرى لێده‌كرێت. كاره‌كانیشى ڕه‌نگدانه‌وه‌ى ژیانى ڕابردووى و گوزه‌رانى خراپى خۆى و په‌نابه‌رانه‌ له‌و دوورگانه‌.

بوچانى، له‌و پانێڵه‌دا له‌ پاڵ باسكردنى كاره‌كانى خۆى، تیشكى خسته‌ سه‌ر دۆخى خراپى په‌نابه‌ران له‌ كه‌مپه‌كانى دوورگه‌ى مانوس و ناورۆ.

په‌نابه‌رانى دوورگه‌ى مانوس و ناورۆ ئه‌و كه‌سانه‌ن كه‌ پێشتر ویستویانه‌ به‌ قاچاخ و به‌ به‌له‌م ڕوو له‌ ئوسترالیا بكه‌ن به‌لاَم ده‌ستگیر كراون و ڕه‌وانه‌ى ئه‌و كه‌مپانه‌ كراون و  به‌پێى یاساكانى كۆچى ئوسترالیا، هه‌رگیز له‌ ئوسترالیا نیشته‌جىَ ناكرێن.

PUKmedia هه‌ژار ته‌ها