ئه‌مڕۆ سه‌رۆك كۆمار سه‌ردانی ئێران ده‌كات

.

ئه‌مڕۆ شه‌ممه‌ 17-11-2018 سه‌رۆك كۆمار د. به‌رهه‌م ساڵح له‌ چوارچێوه‌ی گه‌شتێكی ئیقلیمیدا كه‌ شانشینی عه‌ره‌بستانی سعودیش ده‌گرێته‌وه‌، به‌ سه‌ردانێكی ره‌سمی ده‌گاته‌ تارانی پایته‌ختی كۆماری ئیسلامی ئێران.

بڕیاره‌ ئه‌مڕۆ سه‌عات 9ی به‌یانی سه‌رۆك كۆماری عیراق به‌ سه‌ردانێكی ره‌سمی بگاته‌ تارانی پایته‌ختی ئێران له‌ سه‌عات 10ی به‌یانیشدا به‌كاتی تاران مه‌راسیمی پێشوازی ئه‌نجامبدرێت.

د. به‌رهه‌م ساڵح سه‌رۆك كۆماری عیراق له‌ تاران له‌گه‌ڵ هاوتا ئێرانییه‌كه‌ی حه‌سه‌ن روحانی كۆَده‌بێته‌وه‌ و چاوی ده‌كه‌وێت به‌ ژماره‌یه‌ك له‌ سه‌ركرده‌ و گه‌وره‌ لێپرسراوانی ئێران.

سه‌رۆك كۆمار له‌ دیداره‌كانیدا له‌ كۆماری ئیسلامی گفتوگۆ ده‌كات له‌باره‌ی رێوشوێنه‌كانی هاریكاریی و په‌یوه‌ندییه‌ دووقۆڵییه‌كانی هه‌ردوو وڵات و گۆڕانكارییه‌كانی ناوچه‌كه‌.

ژماره‌یه‌ك له‌ وه‌زیر و راوێژكاران هاوڕێیه‌تی سه‌رۆك كۆمار ده‌كه‌ن له‌و سه‌ردانه‌یدا بۆ ئێران.

PUKmedia راگه‌یاندنی سه‌رۆكایه‌تی كۆمار