به‌هه‌وڵی یه‌كێتیی به‌شه‌ نه‌وتی سلێمانی زیادكرا

.

به‌شه‌ نه‌وتی رۆژانه‌ی شاری سلێمانی كه‌پێشتر 180 هه‌زار لیتر بووه‌، به‌هه‌وڵی رێكه‌وت زه‌كی بۆ 540 هه‌زار لیتر زیاد كرا.

رێكه‌وت زه‌كی ئه‌ندامی ئه‌نجومه‌نی پارێزگای سلێمانی رایگه‌یاندوه‌:"به‌ھه‌وڵی یه‌كێتی نیشتیمانی كوردستان توانرا به‌شه‌ نه‌وتی پارێزگای سلێمانی زیادبكرێت بۆ ٣ ھێنده‌، واته‌ پێشتر له‌ ڕۆژێكدا ته‌نھا ١٨٠ ھه‌زار لیتر ده‌گه‌شته‌ سلێمانی، به‌ڵام چه‌ند ڕۆژێكه‌ بڕه‌كه‌ زیادكراوه‌ بۆ ٥٤٠ ھه‌زار لیتری ڕۆژانه‌ واته‌ ١٥ تانكه‌ر".

وتیشی:" به‌مه‌ش پرۆسه‌ی دابه‌شكردنی نه‌وت خێراتر ده‌بێت له‌ڕێگه‌ی به‌ڕێوه‌به‌رایه‌تی نه‌وت و كانزاكانی سلێمانیه‌وه‌ و به‌ماندوبونی دڵسۆزانه‌یان، ده‌توانن تا سه‌ره‌تای مانگی ١٢ سه‌رجه‌م ١٠ مه‌ڵبه‌نده‌كه‌ی ناوشاری سلێمانی و له‌گه‌ڵیدا قه‌زای شارباژێڕ ته‌واو بكه‌ن".

جه‌ختیكرده‌وه‌:" دواتریش دوباره‌ له‌ناوشاری سلێمانی پرۆسه‌كه‌ له‌مه‌ڵبه‌ندی ١ ه‌وه‌ ده‌ستپێده‌كاته‌وه‌و له‌گه‌ڵیدا له‌ده‌ره‌وه‌ت شار شارۆچكه‌ی قه‌ڵادزێ ودواتر ڕانیه‌و دواتر شوێنه‌كانی دیكه‌ دابه‌شكردن به‌رده‌وام ده‌بێت".

PUKmedia سامان