به‌وێنه‌.. به‌م شێوایه‌ بزانه‌ كێ له‌ واتساب بلۆكی كردوویت

.

هه‌ندێك كات به‌كارهێنه‌رێك نامه‌ بۆ كه‌سێكی تر ده‌نێرێت،به‌ڵام نامه‌كه‌ی وه‌ڵامی نابێت، ئه‌وا له‌م كاته‌دا زۆر نزیكه‌ كه‌سی به‌رامبه‌ر ئه‌و كه‌سه‌ی  بلۆك كردبێت.

بۆ زانینی ئه‌وه‌ی كه‌ ئایا كه‌سێك تۆی  بلۆك كردووه‌، ئه‌وا ڕێگایه‌ك هه‌یه‌ كه‌ ده‌توانیت بۆ دڵنیابوونه‌وه‌  پشتی پێببه‌ستیت، به‌ڵام پێش ئه‌وه‌ی په‌نا بۆ ئه‌و ڕێگایه‌ به‌ریت، چه‌ند ئاماژه‌یه‌ك هه‌یه‌ كه‌ به‌ڵگه‌ن له‌سه‌ر ئه‌وه‌ی كه‌ بلۆك كراویت، كه‌ ئه‌مانه‌ن:

كاتێك هه‌ژماری ئه‌و كه‌سه‌ ده‌كه‌یته‌وه‌، كه‌ ده‌ته‌وێت بزانیت بلۆكی كردوویت یان نا،ئه‌وا له‌ ژێر ناوه‌كه‌یدا هیچ زانیارییه‌ك نابینیت،به‌تایبه‌ت ئه‌وه‌ی په‌یوه‌سته‌ به‌ كاتی له‌سه‌ر خه‌ت بوونی و دواین ده‌ركه‌وتنی له‌سه‌ر واتساب. (وێنه‌1)

كاتێك كه‌سێك كه‌سێكی تر له‌ واتساب بلۆك ده‌كات، ئه‌وا ئه‌و كه‌سه‌ وێنه‌ی ( پرۆفایل) ی كه‌سی به‌رامبه‌ر نابینیێت كه‌ بلۆكی كردووه‌،هه‌روه‌ها هێمایه‌كی تر ئه‌وه‌یه‌ كه‌، هێمای (په‌یوه‌ندی ده‌نگی) له‌ به‌شی نامه‌كانیدا نابینیت. وێنه 2

هه‌روه‌ها ده‌توانیت له‌ ڕێگه‌ی ڕه‌نگه‌وه‌ گومانه‌كانی بلۆك بوونت بڕه‌وێنیته‌وه‌، ئه‌ویش كاتێك نامه‌ بۆ ئه‌و كه‌سه‌ ده‌نێریت كه‌ گومانت له‌وه‌ هه‌یه‌ بلۆكی كردبێتیت، ئه‌وا چاودێری ئاماژه‌ی خۆڵه‌مێشی و شین بكه‌، كه‌ ئاماژه‌ن بۆ گه‌یشتنی نامه‌كه‌.

ئه‌گه‌ر هێماكه‌ به‌ ڕه‌نگی خۆڵه‌مێشی  و یه‌ك ( هێمای ڕاست) مایه‌وه‌، ئه‌وا بزانه‌ له‌ خه‌ت نیه‌ و تۆی بلۆك كردووه‌.

هه‌موو ئه‌وانه‌ی كه‌ باسمان كردن، نابنه‌ هۆی ئه‌وه‌ی كه‌ ته‌واو دڵنیا بیت، له‌وه‌ی كه‌ بلۆك كراویت، چونكه‌ كه‌سانێك هه‌ن، كه‌ وێنه‌ی پرۆفایل لاده‌به‌ن یان به‌ ئۆف لاین دێنه‌ خه‌ت، یان وازیان له‌ واتساب هێناوه‌، بۆیه‌ بۆ ئه‌وه‌ی ته‌واو دڵنیا بیت، كه‌ ئه‌و كه‌سه‌ بلۆكی كردوویت، ئه‌وا گروپێك دروست بكه‌، گه‌ر نه‌توانیناوه‌كه‌ی بدۆزیته‌وه‌ و بۆ گروپه‌كه‌ی زیاد بكه‌یت، ئه‌وا دڵنیابه‌ كه‌ بلۆكی كردوویت. وێنه‌ی 3

PUKmedia  گۆران قادر