نوێنەران لەسەر فەوتانی 7 ملیارەكەی بانكی ناوەندی عيراق هاتەدەنگ

.

پەرلەمانی عیراق كۆبوونەوەی داهاتووی پێشدەخات و گفتوگۆ لەسەر ژێرئاوكەوتنی پارەكەی بانكی ناوەندی دەكات كە بڕەكەی 7 ملیار دینارە.

ئەڵماس فازل پەرلەمانتاری فراكسیۆنی یەكێتی لەپەرلەمانی عیراق بە PUKmediaی راگەیاند: سەرۆكایەتی پەرلەمانی عیراق بڕیاریداوە گۆڕانكاری لە كاتی كۆبوونەوەی داهاتووی پەرلەماندا بكات كە رۆژی سێ شەممەی داهاتوەو ئەو رۆژە بەهۆی لەدایكبونی پێغەمبەر (د.خ) كراوەتە پشووی رەسمی.

 وتیشی: كۆبوونەوەكە رۆژی دوو شەممە بەڕێوەدەچێت و تیایدا گفتۆگۆ لەسەر ژێرئاوكەوتنی پارەی بانكی ناوەندی دەكرێت و عەلی عەلاق پارێزگاری بانكی ناوەندیش بەشداری كۆبوونەوەكە دەكات.

ئەوەش وت: لەو كۆبوونەوەیەدا پەرلەمان گفتوگۆ لەسەر هەڵوەشاندنەوەی خاڵە گومرگییەكانی نێوان پارێزگاكان دەكات.

 PUKmedia تایبەت