كه‌شناسی سێ پارێزگا له‌لافاو ئاگادار ده‌كاته‌وه‌

.

ده‌سته‌ی كه‌شناسی سه‌ربه‌ حكومه‌تی عیراق  هۆشداری ده‌داته‌ سێ پارێزگا كه‌ به‌هۆی بارانبارینه‌وه‌ روبه‌ڕووی لافاو ده‌بنه‌وه‌.

ده‌سته‌ی كه‌شناسی عیراق، ئه‌مڕۆ له‌ راگه‌یه‌ندراوێكدا:" دانیشتوانی هه‌ر سێ پارێزگای میسان، زی قار، به‌سره‌ی ئاگادار كردوه‌ته‌وه‌، كه‌ ئه‌گه‌ری بارانبارینی زۆر له‌ئارادایه‌، كه‌ ده‌بێته‌ هۆی لافاو زیان به‌ناوچه‌كه‌ ده‌گه‌یه‌نێت".

ئه‌وه‌ش خراوه‌ته‌ڕوو:" پێویسته‌ ئاماده‌باشی ته‌واو له‌وباره‌یه‌وه‌ بكرێت و لایه‌نه‌ به‌رپرسیاره‌كان بۆ هه‌ر ئه‌گه‌رێكی نه‌خوازراو تیمه‌كانیان چاودێری دۆخه‌كه‌ بكه‌ن".

له‌به‌شێكی تری راگه‌یه‌ندراوه‌كه‌دا هاتووه‌:" هاووڵاتیان خۆیان بپارێزن و دوور بخه‌نه‌وه‌ له‌و شوێنانه‌ی كه‌ ئه‌گه‌ری كۆبونه‌وه‌ی ئاوی زۆریان لێده‌كرێت و شوێنه‌كانیان چاڵه‌".

كه‌شناسی عیراق پێشبینی بارانبارینی به‌خوڕ ده‌كات له‌و سێ پارێزگایه‌و ناوچه‌كانی تری عیراق له‌ چه‌ند رۆژی داهاتوودا

PUKmedia  ئاژانسه‌كان