لاهور شێخ جهنگی: سلێمانی له دهربهنده پڕ له خۆڕاگرییهكاندا مهسهلهی كوردی گهشه پێدا
کوردستان 12:30 AM - 2018-11-15.
لاهور شێخ جهنگی بهبۆنهی ساڵیادی دامهزراندنی شاری سلێمانیهوه پهیامێكی پیرۆزبایی بڵاوكردهوه، كه ئهمه دهقهكهیهتی:"
بهرز و پیرۆز بێت ناو و یادی سلێمانی.
ساڵێكی تر چووه سهر خهرمانی شكۆ و شانازیی سلێمانی و، روداوهكانی ساڵی رابردوو جارێكی تر سهلماندیان، كه ئهم شاره، گهوره و هێژایه و به حهق، رابهری بزوتنهوهی نیشتمانیی و كوردستانییه و خاوهنی كهسێتی سهربهخۆ و رهوت و خوێندنگهی سیاسیی خۆیهتی.
دوو سهد و سی و چوار ساڵ لهمهوبهر، ئهم شاره له دامێنی گۆیژهوه كهوته ناو بازنهی روداوه گهوره مێژووییهكان و سهد ساڵ لهمهوبهر تێكهڵ بوو لهگهڵ خولیاكانی سهربهخۆیی شێخی نهمر. سلێمانی له دهربهنده پڕ له خۆڕاگرییهكاندا "مهسهلهی كورد"ی گهشه پێدا و بهو پێشهنگییهی كه ههیهتی، تیره و تایفه و چین و تویژهكانی كوردی یهكخست، رۆشنبیریی بڵاوكردهوه و توانی بهپشتبهستن به چاپخانه و پیرهمێرد و كهڵه نووسهرهكانی، ئاسۆیهكی گهشتر به دلێریی و خهباتی رزگاریی كورد ببهخشێت.
شاری ههڵمهت و قوربانی، له مێژووی پرشنگداری خۆیدا، زۆر گۆڕی بهكۆمهڵی گلاندوه، زۆر قهنارهی پساندوه، زۆر زیندانی شكاندوه، و زۆر سهركردهی پێگهیاندوه. ههر ئهم كولتوره شۆڕشگێڕانهیش وایكردوه كه دهروازهی راپهڕین، یهكێك بێت له دهروازهكانی.
دوای راپهڕینیش، سلێمانی پێشهنگ بووه له پهرهپێدانی حوكمڕانیی خۆماڵیی و تا یهكگرتنهوهی حكومهتی ههرێمیش، پێشكهوتوترین شاری ههرێم، و لهسهر ئاستی عێراقیش، رویداوه كه خاوهنی باشترین سیستمی تهندروستی، باشترین زانكۆ، پتهوترین ژێرخانی پیشهسازی و پاكترین ژینگه بووه.
ئهم دهسكهوتانه لهلایهك و پاراستنی ئازادیی سیاسی و ئازادیی رادهربڕین و نوێگهریی و زیندوێتی شارهكهش لهلایهكی تر، وایكردوه، كه دابینكردنی ئاسایش و سهقامگیری، یهكێك بێت له گرنگترین ئهركهكان لهپێناو رهخساندنی دهرفهتی زیاتر بۆ تیمی حوكمڕانیی و كهرتی تایبهت و بازرگانان، كه بتوانن به ئاسودهیی پرۆژهی نوێ بۆ پێشخستنی سلێمانی و خزمهتكردنی خهڵكه تێكۆشهرهكهی جێبهجێ بكهن.
سلێمانی، كه سهرباری فرۆكهخانه و كارگه و پارك و كتێبخانه و دامهزراوهكانی، خاوهنی گردی سهیوان و شههیدان و ئارامگهی كهڵهپیاوانی شۆرشگێری كورده، وا لهم ساڵدا جارێكی تر دهنگی سهدان ههزار دهنگدهری پیرۆزی خۆی به شۆڕشی نوێ و یهكێتیی نیشتمانیی كوردستان بهخشیوهتهوه، و له ههردوو ههڵبژاردنی ئهنجومهنی نوێنهرانی عێراق و پهرلهمانی كوردستان دا، منهتی باڵادهستی و خزمهتكردنی شارهكهی به یهكێتییهكهی مام جهلال رهوا بینیوه. ئهمهش ئامانهتێكه بهرز و پیرۆز كه پێویسته ههموومان له ئاستیدا ئهمهكدار و راستگۆ بین.
لێرهوه، پشتبهستوو به هیممهتی سهدان ههزار لاو و گهنجی سلێمانی و كوردستان و نوێنهرانیان له كۆماری عێراق، حكومهت و پهرلهمان و ئهنجومهن و فهرمانگه خۆجێییهكانی ههرێم، چاوهڕوانین كه چوار ساڵی ئاینده، چوار ساڵی بوژاندنهوه و پێشخستی سلێمانی بێت. چوار ساڵ بێت بۆ سهقامگیری و یهكڕیزیی ناو ماڵی كورد و یهكخستن و رێكخستنی دهنگی گهلهكهمان بۆ زیندوكردنهوهی "مهسهلهی كورد" و سود وهرگرتن له دهرفهتهكان لهپێناو بنیادنانی ئایندهیهكی گهشتر بۆ ههمووان.
بهرز و پیرۆز بێت ناو و یادی سلێمانی و درود بۆ گیانی پاكی ههموو ئهو تێكۆشهرانی له پێناو كورد و كوردستان قوربانیانداوه و خهبات دهكهن.
لاهور شێخ جهنگی
١٤-١١-٢٠١٨
PUKmedia تایبهت
هەواڵی زیاتر
-
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25
ئەمانەش ببینە
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
زۆرترین خوێنراو
-
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25 -
هاوخەمی سەرۆک بافڵ بۆکۆچی دوایی خاتوو نیعمەت
پرسەنامە 04:11 PM - 2024-04-25 -
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
کوردستان 01:36 PM - 2024-04-25 -
شێخ جەعفەر شێخ مستەفا: کۆمەڵانی خەڵک چاوی ئومێدیان لە یەکێتییە
ی ن ک 01:29 PM - 2024-04-25 -
وەسفییە... ماندوویەکی رووخۆش
کوردستان 12:25 PM - 2024-04-25