ئه‌ندامانی په‌رله‌مان 300 تێبینییان له‌سه‌ر بودجه‌ی 2019 پێشكه‌شكردووه‌

.

موزه‌فه‌ر ئیسماعیل ئه‌ندامی ئه‌نجومه‌نی نوێنه‌رانی عیراق له‌ هاوپه‌یمانی سائیرون رایگه‌یاند: ئه‌ندامانی ئه‌نجومه‌نی نوێنه‌رانی عیراق 300 تێبینییان بۆ گۆڕانكاری له‌سه‌ر بڕگه‌ و مادده‌كانی ره‌شنووسی پرۆژه‌ یاسای بودجه‌ی 2019 پێشكه‌شكردووه‌.

وتیشی: یه‌كێك له‌ پێشنیاره‌كان گۆڕینی 5 دۆلاری پترۆ دۆلاره‌ بۆ رێژه‌ی له‌سه‌دا 5%, هه‌روه‌ها ته‌رخانكردنی رێژه‌ی له‌سه‌دا 50 ی داهاتی خاڵه‌ گومرگییه‌كانه‌ بۆ پارێزگاكه‌ و چه‌ندین داواكاری تر.

 ئه‌ندامه‌كه‌ی هاوپه‌یمانی سائیرون راشیگه‌یاند: لیژنه‌ی دارایی ئه‌نجومه‌نی نوێنه‌رانی عیراق له‌ میانی كۆبوونه‌وه‌ی لیژنه‌كه‌دا لێكدانه‌وه‌ بۆ هه‌موو پێشنیاره‌كان ده‌كات و دواتر له‌گه‌ڵ لیژنه‌ی ئه‌نجومه‌نی وه‌زیران تاوتوێی گۆڕانكاری له‌ بڕگه‌ و ماده‌ه‌كانی بودجه‌كه‌ بكات.

هاوكات زه‌هره‌ حه‌مزه‌ په‌رله‌مانتار له‌ هاوپه‌یمانی بینا له‌سه‌ر هه‌مان پرس ئاماژه‌ی به‌وه‌دا: كه‌ ئه‌نجومه‌نی نوێنه‌ران ده‌یه‌وێت نرخی خه‌مڵێنراو بۆ به‌های به‌رمیلی نه‌وت له‌ بودجه‌ی 2019 كه‌ 56 دۆلاره‌ زیاد بكات.

PUKmedia ئاژانسه‌كان