riklam

بۆڵتن: ئێران له‌ژێر فشارێكی راسته‌قینه‌دایه‌

جیهان 09:14 PM - 2018-11-13
.

.

جۆن بۆڵتن، راوێژكاری ئاسایشی نه‌ته‌وه‌یی  ئه‌مریكا جارێكی تر جه‌خت ده‌كاته‌وه‌ له‌ كه‌مكردنه‌وه‌ی ھه‌نارده‌ی نه‌وتی ئێران بۆ ئاستی سفر.  ھه‌ر به‌ كاریگه‌ری سزاكانی ئه‌مریكا، چیتر ئێران ناتوانێت سیستمی سویفت بۆ ناردنی پاره‌ به‌ رێگای ئه‌لیكترۆنی به‌كاربھێنێت. وڵاتانی تریش به‌ بێ ره‌زامه‌ندیی ئه‌مریكا ناتوانن كه‌لوپه‌لی سه‌ربازی به‌و وڵاته‌ بفڕۆشن.

ئه‌گه‌رچی لێپرسراوانی باڵای ئێران له‌ چه‌ندین بۆنه‌ی جیادا جه‌خت ده‌كه‌نه‌وه‌ له‌وه‌ی سزاكانی ئه‌مریكا كاریگه‌ری له‌سه‌ریان نابێت، به‌ڵام له‌ زۆربه‌ی بواره‌كاندا ئه‌و وڵاته‌ به‌شێوه‌یه‌ك ده‌ستبه‌ستراو بووه‌ كه‌ به‌بێ ره‌زامه‌ندیی ئه‌مریكا بۆ وڵاتانی تر، توانای ھه‌ماھه‌نگی و رێككه‌وتنی نییه‌.

جۆن بۆڵتن، راوێژكاری ئاسایشی نه‌ته‌وه‌یی ئه‌مریكا له‌ په‌راوێزی كۆبوونه‌وه‌كانی وڵاتانی ئاسیان، له‌ سه‌نگاپوره‌ له‌ كۆنفرانسێكی رۆژنامه‌وانیدا جارێكی تر نیه‌تی ئه‌مریكا بۆ گوشینی ئێران دووپاتكرده‌وه‌ تا ئه‌و كاته‌ی ھه‌لوێسته‌كانی ده‌گۆڕێت و وتی: ئێران له‌ژێر فشارێكی راسته‌قینه‌دایه‌و ئه‌مریكاش نیه‌تی ئه‌وه‌یه‌ به‌ توندی فشاری له‌سه‌ر دروست بكات و ھه‌نارده‌ نه‌وتییه‌كانی به‌ ته‌واوی رابگرێت. 

له‌ لایه‌كی تره‌وه‌، بانكی ناوه‌ندیی ئێران ئاشكرایكرد، به‌كاریگه‌ریی سزاكانی ئه‌مریكا، چیتر ئێران ناتوانێت سیستمی سویفت بۆ ناردنی پاره‌ به‌ڕێگای ئه‌لیكترۆنی به‌كاربھێنێت. ھه‌ر له‌سه‌ره‌تای سه‌پاندنی قۆناغی دووه‌می سزاكان، لێپرسراوانی سویفت كه‌ كۆمه‌ڵه‌ی گه‌یاندنی دارایی نێوده‌وڵه‌تییه‌ رایانگه‌یاند: پابه‌ند ده‌بن به‌ سزاكانی ئه‌مریكاوه‌ و توانای گه‌یشتنی ژماره‌یه‌ك له‌ بانكه‌كانی ئێران به‌ سیستمه‌كه‌ ھه‌ڵده‌په‌سێرن.

ئاژانسی ھه‌واڵی ته‌سنیمی ئێران له‌ زاری سه‌رۆكی ئه‌نجومه‌نی ھیڵه‌ ئاسمانیه‌كانی ئێران ئاشكرای كردووه‌ كۆمپانیای فڕۆكه‌سازیی سۆخۆی رووسی فرۆشتنی فڕۆكه‌ی به‌ ئێران گرێ داوه‌ته‌وه‌ به‌ ره‌زامه‌ندیی وه‌زاره‌تی گه‌نجینه‌ی ئه‌مریكا، چونكه‌ نزیكه‌ی له‌ 15%ی ئه‌و كه‌ره‌سته‌ و پێداویستییانه‌ی كه‌ له‌لایه‌ن كۆمپانیای سۆخۆی یه‌وه‌ به‌رھه‌مدێت، سه‌رچاوه‌كه‌ی له‌ ئه‌مریكاوه‌یه‌.

ھه‌رچه‌نده‌ چاوه‌ڕوان ده‌كرا گه‌ڕی دووه‌می سزاكانی ئه‌مریكا، ره‌وشی ئابوری ئێران سه‌ختتر بكات و به‌ھای تمه‌ن دابه‌زێت، به‌ڵام به‌ھۆی به‌خشینی 8 وڵات له‌لایه‌ن ئه‌مریكاوه‌، به‌ھای تمه‌ن به‌رزبوونه‌وه‌ی تۆمار كراوه‌ له‌ چاو رابردوودا.

PUKmedia ئاژانسه‌كان

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket