مه‌كته‌بی راگه‌یاندنی یه‌كێتی: شانازییه‌ ئه‌ندامێكی مه‌كته‌به‌كه‌مان پارێزگاری هه‌ڵه‌بجه‌یه‌

.

وه‌فدێكی مه‌كته‌بی راگه‌یاندنی یه‌كێتیی نیشتمانیی كوردستان به‌ سه‌رپه‌رشتی قادر عه‌زیز ئه‌ندامی مه‌كته‌بی سیاسی یه‌كێتی و سه‌رپه‌رشتیاری مه‌كته‌بی راگه‌یاندنی یه‌كێتی و راهبه‌ر سه‌ید ئیبراهیم ئه‌ندامی سه‌ركردایه‌تی و لێپرسراوی مه‌كته‌ب و ژماره‌یه‌كی فراوان له‌ ئه‌ندامانی مه‌كته‌ب سه‌ردانی پارێزگای هه‌ڵه‌بجه‌یان كرد.

له‌ دیدارێكدا قادر عه‌زیز به‌ ناوی مه‌كته‌بی راگه‌یاندنی ( ی. ن. ك ) ه‌وه‌ پیرۆزبایی ئاڕاسته‌ی پارێزگاری هه‌ڵه‌بجه‌ كردو رایگه‌یاند: له‌ رابردودا مامۆستا ئازاد رۆڵێكی كاریگه‌ری هه‌بووه‌ له‌ مه‌كته‌بی راگه‌یاندن و له‌ هه‌ر به‌شێكدا كاری كردبێت سه‌ركه‌ووتوو بووه‌و ئومێدی سه‌ركه‌وتنیشی بۆ خواست.

لای خۆشییه‌وه‌ راهبه‌ر سه‌ید ئیبراهیم رایگه‌یاند: جێگای شانازییه‌ كه‌ ئه‌ندامێكی مه‌كته‌به‌كه‌مان ئێستا پارێزگاری هه‌ڵه‌بجه‌یه‌و وه‌ك مه‌كته‌بی راگه‌یاندن به‌ڵێن ده‌ده‌ین هه‌میشه‌و هه‌رده‌م له‌ خزمه‌ت هه‌ڵه‌بجه‌دابین و چیمان پێبكرێت بۆ هه‌ڵه‌بجه‌ ئه‌نجامی بده‌ین.

دواتر ئازاد تۆفیق پارێزگاری هه‌ڵه‌بجه‌ وێرای به‌خێرهێنانی وه‌فده‌كه‌ی مه‌كته‌بی راگه‌یاندن رایگه‌یاند: له‌ رابردوودا مه‌كته‌بی راگه‌یاندنی یه‌كێتی له‌ رێگه‌ی ده‌زگا بینراو بیستراو خوێنراوه‌كانییه‌وه‌ هاوكارییه‌كی باشی هه‌ڵه‌بجه‌ بووه‌و ئومێد ده‌خوازم به‌رده‌وامبن له‌و خزمه‌تانه‌و به‌گه‌رمییه‌وه‌ به‌ڕێیكردن.

PUKmedia