وه‌فدێكی پارتی دیموكراتی هۆڵه‌ندا سه‌ردانی مه‌كته‌بی ڕاگه‌یاندن ده‌كات

.

ئێواره‌ی ڕۆژی یه‌كشه‌ممه‌ 11-11-2018 له‌درێژه‌ی سه‌ردانه‌كه‌یان بۆ سلێمانی وه‌فدێكی پارتی دیموكراتی سۆشیال لیبراڵی هۆڵه‌ندی سه‌ردانی مه‌كته‌بی ڕاگه‌یاندنی یه‌كێتیی نیشتمانیی كوردستانیان كرد.

دیداره‌كه‌ له‌ساڵۆنی كوردستانی نوێ به‌ ئاماده‌بوونی قادر عه‌زیز ئه‌ندامی مه‌كته‌بی سیاسی یه‌كێتی و سه‌رپه‌رشتیاری مه‌كته‌بی ڕاگه‌یاندن و نه‌رمین عوسمان ئه‌ندامی سه‌ركردایه‌تی یه‌كێتی و وه‌زیری پێشووتری عیراق و ژماره‌یه‌ك له‌ ڕۆژنامه‌نووسان به‌ڕێوه‌چوو.

له‌دیداره‌كه‌دا گفتوگۆ له‌سه‌ر مادده‌ی 140 ده‌ستووری عیراق كرا و تێدا شه‌ره‌فه‌دین جه‌باری له‌ڕێگه‌ی داتاشۆوه‌ كۆمه‌ڵێك زانیاری وردی له‌سه‌ر ماده‌ی 140 بۆ وه‌فدی میوان و ئاماده‌بووان خسته‌ڕوو.

جێی باسه‌ ئه‌و وه‌فده‌ پێشتر له‌گه‌ڵ مه‌كته‌بی په‌یوه‌ندییه‌كانی ده‌ره‌وه‌ی یه‌كێتی و مه‌كته‌بی سیاسی یه‌كێتی كۆببووه‌.

PUKmedia  هه‌نگاو جه‌عفه‌ر