ژماره‌یه‌ك تیرۆرست خۆیان راده‌ستی شه‌ڕڤانان كرد

.

له‌میانه‌ی شه‌ڕ له‌سنوری هه‌جینی له‌رۆژهه‌ڵاتی دێر ئه‌لزوری سوریا، حه‌وت تیرۆرست داعش خۆیان راده‌ستی هێزه‌كانی سوپای سوریای دیموكرات ده‌كه‌ن.

شیمار حیمۆ چالاكوانی سیاسی له‌رۆژئاوای كوردستان به‌ PUKmedia ی راگه‌یاند: دوێنێ حه‌وت تیرۆرستی داعش له‌سنوری شارۆچكه‌ی هه‌جینی رۆژهه‌ڵاتی دێر ئه‌لزوری سوریا خۆیان راده‌ستی هێزه‌كانی سوپای سوریای دیموكرات كردوه‌.

وتیشی: له‌ئێستادا داعش له‌و سنوره‌دا دوای به‌رگریه‌كی زۆر به‌ره‌و لاوازبوون ده‌چێت و هێزه‌كانیان روو له‌شكست و پاشه‌كشێ یان خۆبه‌ده‌سته‌وه‌دان ده‌كه‌ن.

ئه‌و چالاكوانه‌ ئاماژه‌ی به‌وه‌شدا: هێزێكی گه‌وره‌ی شه‌ڕڤانان ره‌وانه‌ی ناوچه‌كه‌كراون وه‌ك هێزی پشتیوانی.

PUKmedia سامان یاروه‌یس