ئاڵوگۆڕی بازرگانی له‌مه‌رزی كێلێ به‌رده‌وامه‌

.

له‌ده‌روازه‌ی سنوری مه‌رزی كێلێ له‌سنوری قه‌زای پشده‌ر ئاڵوگۆڕی بازرگانی له‌نێوان هه‌رێمی كوردستان و كۆماری ئیسلامی ئێران رۆژانه‌ به‌رده‌وامی هه‌یه‌.

له‌وباره‌یه‌شه‌وه‌ جه‌وهه‌ر ره‌سوڵ به‌ڕێوه‌به‌ری گومری راپه‌رین به‌ PUKmedia ی راگه‌یاند: دوای سه‌پاندنی قۆناغی دووه‌می سزاكانی ئه‌مریكا به‌سه‌ر وڵات ئێران به‌شێوه‌یه‌كی گشتی جموجۆڵی بازرگانی له‌ده‌روازه‌ی سنوری مه‌رزی كێلێ به‌رده‌وامی هه‌یه‌و رۆژانه‌ له‌رێگه‌ی مه‌رزی كێلێوه‌ ئاڵوگۆڕی بازرگانی ده‌كرێت.

به‌ڕێوه‌به‌ری گومرگی راپه‌ڕین ئاماژه‌ی به‌وه‌شدا، خه‌ڵكی هه‌رێمی كوردستان دڵنیاده‌كه‌ینه‌وه‌ بۆ داهاتووش هیچ مه‌ترسیه‌ك له‌سه‌رداخستنی مه‌رزی كێلێ نیه‌و هیچ بڕیارێك تایبه‌تیش له‌لایه‌ن حكومه‌تی هه‌رێمی كوردستان و كۆماری ئیسلامی ئێرانه‌وه‌ نیه‌ بۆ داخستنی مه‌رزه‌كه‌.

 PUKmediaهونه‌ر ره‌سوڵ/ رانیه‌