پارتی دیموكراتی هۆڵهندی ستایشی یهكێتی دهكات
ی.ن.ک 02:03 PM - 2018-11-11.
بهیانی رۆژی یهكشهممه 11-11-2018 له بارهگای مهكتهبی سیاسی یهكێتی نیشتیمانی كوردستان عومهر فتاح، حاكم قادر ئهندامانی دهستهی كارگێری و سهعدی ئهحمهد پیره ئهندامی مهكتهبی سیاسی پێشوازییان كرد له وهفدێكی پارتی دیموكراتی هۆڵهندی سۆشیاڵ لیبرالهكان بهسهرۆكایهتی لیدڤن ڤهن لانگه سهرۆكی كۆمیسیۆنی كاروباری دهرهوهی وڵات میلان ئاساس بهرپرسی ئۆفیسی پهیوهندییه نێودهوڵهتیهكان و بهئهندامیهتی بهرپرسانی چهند ههرێمێكی هۆلهندا و پسپۆران و كاربهدهستانی دۆسیهی ژنان و رێكخراوه ناحكومیهكان .
لهدهستپێكی كۆبوونهوهكهدا عومهر فتاح ئاماژهی به پهیوهندی و دۆستایهتی لهمێژینهی ههردوو حزب كرد، ئاماژهی بهوهدا كه یهكێتی نیشتیمانی كوردستان فاكتهری ئاشتهوایی و یهكریزییه، ئهوهشی روونكردهوه كه یهكێتی چ لهروخانی رژێمی سهركوتكهر و دیكتاتۆری بهعس، چ له بنیادنانهوهی عیراقێكی تازه كهزامنی پاراستنی مافی هاوڵاتیان و مافه بنچینهكانی خهڵكی كوردستان بكات رۆڵی گهورهی گێڕاوه ههروهك وتی: داواكاری ئێمه له عیراق لهچوارچێوهی دهستور و پهیماننامهكانه، لهنێوانیاندا ماددهی 140 كه چارهسهری ئاشتیانهی كێشهی ناوچه كوردستانیهكانه، بهڵام حكومهتی عیراقی بهبیانووی نادهستوری خۆیان لهو ماده دهستوری و پهیماننامانه دهدزنهوه.
دواتر حاكم قادر بهخێرهاتنی وهفدهكهی كرد بۆ سلێمانی وتی: سلێمانی شاری كهلتور و رۆشنبیرییه ، شاری ئهدهب و هونهر و میوزیكه،شاری چالاكی ژنانه، ئاماژهی بهوهدا كه ئهم سهردانه دهبێته فاكتهری قوڵكردنهوهی پهیوهندییهكانی نێوان ههردوولا ، بهتایبهت لهبواره جۆراوجۆرهكانی ئابوری و سیاسی و رۆشنبیری و كهلتوری و ئێن جی ئۆكاندا ، ههر لهدرێژهی قسهكانی ئهو ئهندامهی دهستهی كارگێری یهكێتی نیشتیمانی كوردستان وتی :یهكێتی نیشتیمانی كوردستان بڕوای پتهوی به مافهكانی ژنان ههیه و 9 ژن لهئهنجومهنی سهركردایهتین، و لهناوهندهكانی تریش لهبوارهكانی یاسادانان و جێبهجێكردن و دادوهری ، ژنان بهرێژهی بهرچاو بهشدارن و رۆڵی ئهكتیڤیان ههیه لهناوهندهكانی بریاردا.
لهبهشێكی تری وتهكانیدا ئاماژهی بهوهدا كه لای یهكێتی ئاشتی پرنسیپێكی بنچینهییه و بڕوای تهواوی به چارهسهری ئاشتیانه ههیه و ههروهك جهخت لهپێكهوه ژیان دهكاتهوه .
ههر لهدیدارهكهدا سهعدی ئهحمهد پیره وتی: كورد یهكێكه لهنهتهوه گهورهكانی رۆژههڵاتی ناوهراست تا ئێستا مافهكانی دیارنین و زهوت كراون ،ئهمرۆ كه سهد ساڵ بهسهر كۆتایی دوا فیشهكی جهنگی یهكهمی جیهانی تێپهر دهبێت ، كورد و كێشهكهی قوربانی رێكهوتنی پهیمانی سایكس بیكۆیه كه بهبێ ویستی خۆی سنورهكانی دیاریكراوه ، ههروهك وتی ئهو وڵاتانهی كه ناسروشتی دروستبوون بهردهوام لهناو كێشهی ناوخۆییدا دهژین .
ئاماژهشی بهرۆڵی سهرۆك مام جهلال كرد وهك هۆكاری ئاشتهوایی دوای رووخانی رژێمی بهعس و ههوڵی ئاشتیانهی بۆ پێكهوه ژیان .
دواتر لیدڤن ڤهن لانگه سهرۆكی كۆمیسیۆنی كاروباری دهرهوهی وڵات سوپاسی ئهو پێشوازییه گهرمهی كرد و باسی ئهوهی كرد كهپێش سهردانهكه زانیاری زۆرییان لهسهر ههرێمی كوردستان وهرگرتووه، بهڵام ئهو دیداره بهرچاوڕوونی زیاتری پێبهخشین و چاوكراوهتری كردین لهبارهی دۆخی سیاسیی و رۆڵی یهكێتی نیشتیمانی كوردستان، ئاماژه بهوهدا كه كورد قوربانی زۆری داوه بۆ بهدیهێنانی ئهم رۆژگاره، وتی ئێوه حكوم و ستهمی سهدام و داعشتان بینیوه ،ههروهك وتی ئێمه وهك حزب و حكومهتی هۆڵهندا كوردستان و عیراق جێگای چاو و بایهخی ئێمهیه ،ئهوهشی رونكردهوه كه لای ئێمه پرسی ژن پرسێكی گرنگه و جێگای خۆشحاڵی ئێمهیه كه مهسهلهی ژن لای یهكێتی نیشتیمانی كوردستان لهسهرهوهی كارهكانیهتی .
لهو دیداره ژمارهیهك له ئهندامانی سهركردایهتی یهكێتی نیشتیمانی كوردستان و بهرپرسی پهیوهندییهكان و نوێنهرایهتیهكان ئامادهیبوون.
PUKmedia
هەواڵی زیاتر
-
وەسفییە... ماندوویەکی رووخۆش
12:25 PM - 2024-04-25 -
نوسینگەی مەکتەبی سیاسی لەبەغدا کرایەوە
08:08 PM - 2024-04-24 -
شاڵاو کۆسرەت رەسوڵ: یەکێتی ئامادەیە بۆ هەڵبژاردن
07:39 PM - 2024-04-24 -
ئاسایشی ههولێر گهنجێك دهكوژێت و بنهماڵهكهی داوای روونكردنهوه دهكهن
06:05 PM - 2024-04-24
ئەمانەش ببینە
کوردستان 10:33 AM - 2024-04-25 راپۆرتێكی دیكهی نێودهوڵهتی لهسهر خراپی ئازادی لهههرێم بڵاودهكرێتهوه
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
زۆرترین خوێنراو
-
سوپاسنامەیەک لە بنەماڵەی عەلی شامار و وەسفیە بەنی وەیس-ەوە
ی ن ک 05:11 PM - 2024-04-24 -
پەیامی یەکێتی دەگەیەنرێتە بەرەی تورکمانی
کوردستان 05:01 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
عیراق 04:46 PM - 2024-04-24 -
شاڵاو کۆسرەت رەسوڵ پێشوازی لە تیمی یەکێتی لە وەزارەتی تەندروستی دەکات
ی ن ک 02:22 PM - 2024-04-24 -
قوباد تاڵەبانی: هەر رۆژەی بیرخەرەوەی تاوانێکە
کوردستان 01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
کوردستان 01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
کوردستان 12:39 PM - 2024-04-24 -
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24