PUKmedia یەکێتیی نیشتمانیی کوردستان

كۆماری چین خوازیاری سه‌قامگیرییه‌ له‌ عیراق


8/11/2018 20:26:00
چاپ کردن
بە وێنەوە    بە بێ وێنە
           
.

نیوەرۆی رۆژی چوارشەممە ٢٠١٨/١١/٧ سەعدی ئەحمەد پیرە، ئەندامی مەکتەبی سیاسی و لێپرسراوی مەکتەبی پەیوەندییەگشتیەکانی ی ن ک، لەشاری بەغدا بەیاوەری د.مۆفەق دەرگەڵەیی راوێژکاری پەیوەندیەکانی سەرۆک کۆماری عیراق سەردانی باڵیوزخانەی کۆماری چین - ی میللی کرد و لەلایەن بەرێز (چێن وێیچینگ) باڵیۆزی کۆماری چینی میللی لە عیراق و جێگرەکەی و بەرپرسی نووسینگەی کاروباری سیاسی پێشوازیکرا.

لەدیدارێکی نێوان ھەردوولادا، تیشک خرایە پەیوەندی لەمێژینەی نێوان عیراق و کۆماری چینی میللی و دوستایەتی دێرینی گەلی کورد و چینی بەتایبەتی رۆڵی سەرۆک مام جەلال گەشەپێدان و بەرەو پێشەوە بردنی ئەو پەیوەندیانە.

ھەر لەو دیدارەدا، بارودۆخی سیاسی جیھان و عیراق و ناوچەکە گفتووگۆی لەبارەوە کرا، ھەڵبژاردنەکانی عیراق و کوردستان و حکومەتی نوێى عیراق تەوەرێکی تری دیدارەکەبوو.

سەعدی ئەحمەد پیرە، ئاماژەی بەرۆڵی گرنگی کۆماری چینی میللی کرد لە نێو ھاوکێشەی سیاسی و ئابووری و بازرگانی جیھاندا، کە خاوەن پێگەیەکی بەھێز و کاریگەرە و ئەمرۆ بۆتە پێشەنگی پێشکەوتن لەسەرجەم کایە جیاوازەکانی ژیان، ووتیشی؛ کۆماری میللی چین خاوەن مێژوو و ئەزموونێکی دەوڵەمەند و سەرکەوتووە، بۆیە خوازیارین سوود لە تواناکانی گەلی چین وەربگرین لە دووبارە بنیادنانەوەی ووڵات بەژێرخان و سەرخان و توانا مرۆییەکانەوە، ھیوادارین سەرباری تووند و تۆڵتر کردنی پەیوەندیە سیاسیەکانی نێوان ھەردوولا ، لە رووی ئاڵوگۆری کەلتووری و بازرگانی و پیشەسازیشەوە دەزگا و دامەزراوە و کۆمپانیا چیینەکان لە گۆرەپانەکەدا ئامادەیی زیاتریان ھەبێت، لە رێگەی بانکەکانیانەوە ھاوکا ر ھەماھەنگ بن بۆ دووبارە گەراندنەوەی عیراق و کوردستان و ناوچەکە بۆ بارودۆخی پێش شەڕ بەتایبەتیش لە ئاوەدانکردنەوەی ئەو شار و ناوچانەی کە بەھۆی شەڕی دژ بەتیرۆریستانەوە تووشی وێران بوون و کاولکاری بوونە.

چێن وێیچینگ باڵیۆزی کۆماری چینی میللی لە عیراق دوای بەرز نرخاندنی باری سەرنج و تێروانینەکانی سەعدی ئەحمەد پیرە سەبارەت بە دۆخی سیاسی گشتی عیراق ئاماژەی بەوەکرد کە کۆماری میللی چین بە گرنگی پێدانێکی زۆرەوە چاودێری بارودۆخی ناوچەکە دەکات، خوازیاری سەقامگیری سیاسی و کۆمەڵایەتیە لە عیراق و ناوچەکە، خۆشحال دەبێت کە ھەموو پێکھاتەکانی عیراق لەژێر سێبەری ماف و ئازادیەکانیان لە چوارچێوەی کارنامەی ساڵانەی سیاسەتی دەرەوەیاندا بەچڕی تەئکیدی لە ناوچەی رۆژھەڵاتی ناوەراست کردۆتەوە لە نێویشیاندا بەتایبەتی بارودۆخی عیراق لەسەرجەم بوارەکاندا پلان و بەرنامەی جیاواز جێبەجێدەکات، بۆ نموونە؛ حکومەتی پەکین ٢٠ بیست ملیار دۆلاری وەک بەخشین تەرخان کردووە بۆ بەشداریکردن لە پرۆسەی ھاوکاری مرۆیی بۆ وولاتانی عیراق و سوریا و لیبیا و تونس و میسر، عیراق پشکی شێری دەبێت لەو بەخشینە، ئەمە جگە لەپرۆمەکانی تری کەلتووری و ھەمەھانگی کەرتەجیاوازەکان لەپێناو بەرزکردنەوەی توانستی مرۆیی و ئابووری و پیشەسازی و بەرەوپێشەوە و بەردەوامیدان بە پەیوەندیەکانی پەککین لەگەڵ ئەوووڵاتانە.

PUKmedia تایبه‌ت

وێنە هەواڵ
  • image04
  • وه‌زیری ده‌ره‌وه‌ی ئێران گه‌یشته‌ سلێمانی

  • image04
  • سه‌نته‌ری ئۆتیزم له‌سلێمانی كرایه‌وه‌

  • image04
  • به‌فربارین زۆربه‌ی شاره‌كانی هه‌رێمی كوردستانی گرته‌وه‌

  • image04
  • د.بەرهەم ساڵح سەرۆك كۆماری عیراق لەلایەن رەجەب تەیب ئەردۆگانەوە پێشوازی لێكرا

  • image04
  • خۆپیشاندانه‌كان له‌ سودان

  • image04
  • دایكه‌ سوتاوه‌كه‌ی چه‌مچه‌ماڵ به‌ره‌و لای په‌پوله‌كانی ده‌ڕوات

  • image04
  • تره‌مپ و هاوسه‌ره‌كه‌ی گه‌یشتنه‌ عیراق

  • image04
  • نامه‌ی شه‌هیدێك بۆ كوڕه‌ تاقانه‌كه‌ی


                                           

ئەڵمانیا.. هێرشكردنە سەر كەمپی پەنابەران كەمیكردووە


سایتی دۆیچە ڤیللەی ئەڵمانی بڵاویكردەوە رێژەی هێرش و پەلاماردانەكان بۆسەر كەمپەكانی پەنابەران لە وڵاتەكەیاندا كەمیكردووە.


  نوێنه‌ری یه‌كێتی و لایه‌نه‌ عیراقییه‌كان سه‌ردانی كه‌نیسه‌ی ماریا ده‌كه‌ن
  بەوێنە.. لەئەڵمانیا پرسەی ماتەمینی مستەفا ساڵح كەریم بەڕێوەچوو

                                           

فه‌رید ئه‌سه‌سه‌رد: حكومه‌تی بێ یه‌كێتی وه‌ك نه‌بوو وایه‌


فه‌رید ئه‌سه‌سه‌رد، ئه‌ندامی سه‌ركردایه‌تیی یه‌كێتیی نیشتیمانیی كوردستان، ئاشكرای ده‌كات، یه‌كێتی بۆ چوونه‌ ناو حكومه‌ت هیچ مه&...


  وەزیری شەهیدان پرسی ناساندنی جینۆسایدی كوردان دووپاتدەكاتەوە
  عەبدولستار مەجید: كۆمەڵ چاوەڕێی هاتنی وەفدی پارتی نییە
                                           

ماهیر حەسەن داوای لێبووردن دەكات

هونەرمەندی ناوداری كۆمیدی ماهیر حەسەن بەڵێنی بەردەوامبوون لە كاری هونەری بە جەماوەرەكەی دەدات و هۆكاری دەرنەكەوتنیشی بۆ هەوادارەكانی رووندەكاتەوە،نهێنی رۆڵ بی...


  گەندەڵیی لە عیراقدا
  د.یوسف: پڕۆسەی فێركردن لەسەر بنەمای توانای تاكەكان دابڕێژرێت


کاریکاتێر