كەشناسی: بارانەكەی سلێمانی چەند ناوچەیەكی دیكەش دەگرێتەوە

.

كەشناسی هەرێم رایدەگەیەنێت ئەو شەپۆلی بارانبارینەی سلێمانی گرتۆتەوەو بەهۆیەوە بڕێكی زۆر بارانباریوە، چەند ناوچەیەكی دیكەش دەگرێتەوەو بەرەو كەركوك خانەقینیش دەڕوات.

بەڕێوەبەرایەتی كەشناسی و بومەلەرزەزانی هەرێمی كوردستان رایگەیاند: ئەو شەپۆلی باران بارینەی پارێزگای سلێمانی گرتۆتەوە درێژەی هەیەو تا ئێستا بێجگە لە سلێمانی چەند ناوچەیەكی دیكەشی گرتۆتەوە وەكو پێنجوێن و ماوەت و دوكان كە بڕێكی باشی بارانی لێ باریوە.

رونیشیكردۆتەوە: پێشبینی دەكرێ ئەو شەپۆلی بارانبارینە بەرەو كەركوك و خانەقین و خورماتوو و هەندێك لە ناوچانەی دەوروبەری بڕوات.

PUKmedia