ئاینده‌‌ هی هه‌‌مووانه‌‌

ئاینده‌‌ هی هه‌‌مووانه‌‌


8/11/2018 13:03:00
چاپ کردن
بە وێنەوە    بە بێ وێنە
           
.

به‌‌ مێژوودا رۆ ده‌‌چین و هه‌‌روه‌‌ك ئێسته‌‌ی بۆچوونه‌‌كان و ئۆباڵی كه‌‌تنه‌‌كان به‌ ‌باڵای یه‌‌كتر ده‌‌بڕین، ویسته‌‌كانی سه‌‌ركه‌‌وتن و رزگاریمان مه‌‌جلیس خۆشكه‌‌ره‌‌ و هه‌‌م شه‌‌راب و هه‌‌م مه‌‌زه‌‌ی سه‌‌رگه‌‌رمكردنی نا‌خه‌‌ هه‌‌ژاوه‌‌كانمانه‌،‌ ئه‌‌و ناخه‌‌ی پڕ په‌‌رۆش و بێ په‌‌روا ته‌‌واوی لاپه‌‌ڕه‌‌كانی دیرۆك و مێژوویان به‌‌ خوێنی ئاڵی شه‌‌هیدانی پاكژی سه‌‌رمه‌‌ست به‌‌ دۆزی میلله‌‌تێكی داگیركراوی بێ ده‌‌وڵه‌‌ت نه‌‌خشاندوه‌‌ .. وا ئێسته‌‌یش به‌‌ركوڵی بیست و حه‌وت ساڵ زۆرتری خه‌‌باتی دامه‌‌زراوه‌‌یی و ناسینی دیموكراسییه‌‌ت و یه‌‌كتر قبووڵكردنی پاش كاولكاری و خوێنی به‌‌ناهه‌‌ق رژاوی كوردكوژی رۆڵه‌‌كانی ئه‌‌م میلله‌‌ته‌‌ كڵۆڵه‌‌، سێبه‌‌ره‌‌ بێ هه‌‌نگاوه‌‌كان به‌‌ره‌‌و تاكڕه‌‌وی، ملی بێ ئاگا بنێن و هێنده‌‌ی تر كاروانی خه‌‌باتی رزگاری         هه‌‌میشه‌‌یی بدرێته‌‌ ده‌‌ست ئاره‌‌زووه‌‌ سه‌‌ره‌‌ڕۆكان .. هه‌مووان ده‌‌زانن دواخولی په‌‌رله‌‌مان چی به‌‌سه‌‌رهات و حكومه‌‌ت كاره‌‌كانی چۆن به‌‌ڕێ ده‌‌كرد و په‌‌یوه‌‌ندییه‌‌كانمان له‌‌گه‌‌ڵ به‌‌غدا خرایه‌‌ ته‌‌نگژه‌‌یه‌‌كی بێ بنه‌‌ما و بێ مووچه‌یی‌ و باری ئابووری له‌‌ كۆمه‌‌ڵی كورده‌‌واریدا گه‌‌یشته‌‌ چ ئاستێكی دڵته‌‌زێن؟.

بارودۆخی هه‌‌رێمی كوردستان، جۆرێك له‌‌ تایبه‌‌تمه‌‌ندی خۆی هه‌‌یه‌‌ و ناكرێت له‌‌ هه‌‌ل و مه‌‌رجی وه‌‌ك ئه‌‌مڕۆدا هه‌‌موو جه‌‌مسه‌‌ره‌‌كان به‌‌ وردییه‌‌وه‌‌ مامه‌‌ڵه‌‌یان له‌‌گه‌‌ڵ نه‌‌كرێت، بڕواشم وایه‌‌ له‌‌گه‌‌ڵ ئه‌‌و هه‌‌موو شه‌‌ڕه‌‌ سارده‌‌ی میدیایی و هه‌‌ڕه‌‌شه‌‌ بێ بنه‌‌ما و بێ ئاگایی له‌‌ دۆگمایی هزرێكی خۆپه‌‌‌سه‌‌ندی ( هه‌‌رده‌‌بێت خۆم یه‌‌كه‌‌م بم ) ده‌‌به‌خشرێته‌‌وه‌‌‌ و دوودڵی و دڵه‌‌راوكه‌‌ له‌‌ناو جه‌‌ماوه‌‌ردا ده‌‌سازاندرێت به‌‌ سوود و قازانج و به‌رژه‌وه‌ندی ئه‌‌مڕۆی میلله‌‌ته‌‌كه‌‌مان ناشكێته‌‌وه‌‌ و ده‌‌بێته‌‌ نه‌‌ك درز، به‌‌ڵكو ده‌‌لاقه‌‌ی گه‌‌وره‌‌ بۆ‌ په‌‌ڕینه‌‌وه‌‌ی پلانه‌‌كانی نه‌‌یاران و ناحه‌زانی میلله‌ته‌كه‌مان و هێنده‌‌ی تر به‌‌ری ره‌نج و خه‌‌باتی كۆمه‌‌ڵانی خه‌‌ڵكی كوردستان و شه‌‌هیدانی شۆڕشی نوێی گه‌‌له‌‌كه‌‌مان، لاواز و په‌‌ره‌‌وازه‌‌ ده‌‌كات.

ئه‌‌مڕۆ كاتی ئه‌‌وه‌‌ هاتووه‌‌ راستگۆیانه‌‌ و به‌ روونی مامه‌‌ڵه‌‌ له‌‌گه‌‌ڵ جه‌‌ماوه‌‌ردا بكرێت و سوود له‌‌و هه‌‌له‌‌ وه‌‌ربگیرێت كه‌‌ بۆته‌‌ به‌‌ختێكی دروستكراو، ره‌‌نگه‌‌ ئه‌‌وه‌‌ی ئه‌‌مڕۆ جارێكی تر نه‌‌یه‌‌ته‌‌وه‌‌،  با هه‌‌مووان پێكه‌‌وه‌‌ شان بده‌‌ینه‌‌‌ به‌‌ر هه‌‌ڵسانه‌‌وه‌‌ و به‌‌ره‌‌و پێشبردنی كۆمه‌‌ڵی كورده‌‌واری، ده‌‌بێت له‌‌و راستییه‌‌ بگه‌‌ین و دوور له‌‌ خۆگێلكردنێكی نه‌‌زۆكانه‌‌ كه‌‌ هه‌‌ر هه‌‌موو كورد به‌‌ هه‌‌موو جه‌‌ماوه‌‌ر و سه‌‌ركردایه‌‌تی و پارته‌‌كانه‌‌وه‌‌ یه‌‌ك چاره‌‌نوو‌سمان هه‌‌یه‌‌، پێویسته‌‌ نشوسته‌‌كانمان، نه‌‌كه‌‌ینه‌‌ سه‌‌ركه‌‌وتن، دنیای جیهانگیری و پێشكه‌‌وتنی ته‌‌كنه‌‌لۆژیا و په‌‌یوه‌‌ندییه‌‌ خێراكان زۆر له‌‌وه‌‌ گه‌وره‌تر و به‌‌هێزترن كه‌‌ راستییه‌‌كان په‌‌رده‌‌پۆش بكرێن، ئه‌‌وه‌‌ی ده‌‌بینرێت ئێستا بۆچوونه‌‌ نێو ده‌‌وڵه‌‌تییه‌‌كان و زل هێزه‌‌كان و خاوه‌‌ن به‌‌رژه‌‌وه‌‌ندان، به‌‌رچاوروونیان كردووین بۆ جارێكی دیكه‌ی هه‌‌لی پێكه‌‌وه‌‌ ژیان و ئاشتی  و ئارامی.

با له‌‌ هه‌‌رێمی كوردستان،  یه‌‌كڕیزی و ته‌‌بایی و یه‌‌كتر خوێندنه‌‌وه‌‌ بكه‌‌ینه‌‌ دیاری و بیده‌‌ینه‌‌وه‌‌ به‌‌ كۆمه‌‌ڵانی خه‌‌ڵكی كوردستان .. با هه‌‌رگیز تووشی دڵه‌‌ راوكێیه‌‌كی            بێ بنه‌‌مایان نه‌‌كه‌‌ین، راستییه‌‌كانی سبه‌‌ینێ، درووسته‌‌كانی سبه‌‌ینێ، شێوازی حو‌كمی سبه‌‌ینێ، هه‌موو ده‌‌زانن چۆن ده‌‌بێت و ئیتر چما خۆڵبكرێته‌‌ چاوانی میلله‌‌ت كه‌‌ سه‌‌رچاوه‌‌ی هێز و بوونی پارته‌‌كانه‌‌ .. با ئه‌‌و هه‌‌ل و ده‌رفه‌تانه‌ی ره‌‌خساون بۆ كورد، هه‌‌لی‌ هه‌‌مووان بن و نه‌‌ یه‌‌كه‌‌م و نه‌‌ دووه‌‌م و نه‌‌سێیه‌‌‌م …تاد، نیه‌‌ به‌‌ڵكو هه‌‌مووان یه‌‌كه‌‌من به‌‌ هه‌‌مووانیش وڵات به‌ڕێوه‌ ده‌‌برێت و ئاینده‌‌ش هی هه‌‌مووانه‌‌.

هیوا سه‌رهه‌نگ / هۆڵه‌ندا

وێنە هەواڵ
  • image04
  • هه‌سه‌ده‌ به‌ره‌سمی سه‌ركه‌وتنی به‌سه‌ر داعشدا راگه‌یاند

  • image04
  • سه‌رۆك كۆمار له‌ناو خه‌ڵكی موسڵ

  • image04
  • مەكتەبی سیاسی لەحزوری شەهیدانی هەڵەبجەدا دەوەستێت

  • image04
  • 16-3/ رۆژێكی ره‌ش له‌مێژووی كورددا

  • image04
  • هه‌ڵه‌بجه‌.. په‌رده‌ له‌سه‌ر دیواربه‌ندی عومه‌ری خاوه‌ر لادرا

  • image04
  • گه‌نجانی كورد له‌هێزی فڕۆكه‌وانی عیراق خاوه‌ن ماڵن نه‌ك میوان

  • image04
  • وێنه‌ی یه‌كێك له‌هێرشكه‌ره‌كانی نیـوزلــه‌ندا

  • image04
  • گەشەسەندنی تەکنەلۆژیا لە ڕۆژگاری ئەمڕۆماندا!!


                                           

له‌به‌ریتانیا تاجه‌گوڵینه‌ بۆ قوربانیانی هه‌ڵه‌بجه‌ داده‌نرێت


كاروان جه‌مال تاهیر نوێنه‌ری حكومه‌تی هه‌رێمی كوردستان، له‌شاری (پۆرتسمس) له‌به‌ریتانیا سه‌ردانی (باخچه‌ی هه‌ڵه‌بجه‌)ی كردو تاج...


  ئاگری نه‌ورۆز له‌ئه‌ڵمانیا كرایه‌وه‌
  پاریس.. هونه‌رمه‌ندێكی كورد پێشانگایه‌ك ده‌كاته‌وه‌
                                           

مەحوی فێرگەیەک بۆ پێگەیاندنی بەهرەکان


فێرگەی موزیکی مەحوی، فێرگەیەکە بۆ پێگەیاندن و فێرکردنی هەموو ئەو فێرخوازانەی حەز و خولیای فێربونی موزیک و ئامێرە سونەتییەکانیان هەیە لە هەموو تەمەنە جیاوازەکان لە پایتەختی ڕۆشنبیری و لەم ...


  دیبەیتی ئالان تۆرێن و مەلا بەختیار
  دوای 11 ساڵ رۆژنامه‌نوسێكی كوردێك دیدار له‌گه‌ڵ بێشله‌ر ئه‌نجامده‌دات
                                           

نه‌ورۆزی 1979 له‌دایك بوونی رادیۆیه‌ك دنیایی هه‌ژاند

40ساڵه‌ ئێزگه‌ی ده‌نگی گه‌لی كوردستان، ده‌نگی كۆمه‌ڵانی خه‌ڵكی كوردستانه‌
له‌دامه‌زراندنی (ی.ن.ك) ه&zwn...


  نه‌ته‌وه‌كانی دیكه‌ش جل و به‌رگی كوردی ده‌پۆشن
  ئێزگەی دەنگی گەلی كوردستان یادی 40 ساڵەی دەكاتەوە


کاریکاتێر