حاكم قادر رۆڵی مامۆستایانی زانكۆ بەرز دەنرخێنێت

.

سەرلەبەیانی ئەمڕۆ  حاكم قادرحەمەجان ئەندامی دەستەی كارگێڕ مەكتەبی سیاسی یەكێتی نیشتمانی كوردستان لەمیانەی دیداری لەگەڵ ژمارەیەك لەمامۆستایانی زانكۆی گەرمیان وتی: یەكێتی نیشتمانی كوردستان لە سەرەتای دامەزراندنییەوە , شانبەشانی  قۆناغەكانی خەبات   وتێكۆشانی بۆ ڕزگاری و فەراهەمكردنی ئازادی بۆ گەلی كوردستان ,ڕۆڵی بێ وێنەی بینیوە لە گەشەپێدان وبرەودان بە پەروەردەو خوێندن و پەرەپێدانی ناوەندە زانستەكان بەگشتی وزانكۆو پەیمانگەكان بەتایبەتی وبەردەوام بەكاری هەمیشەیی لەپێناوپەروەردەكردن و درەچواندنی كادیری بەتواناپشتیوان وپشتگیری بەهێزی ئەوناوەندە زانستیانە بووە .

هەرلەو دیدارەدا رۆڵی مامۆستایانی زانكۆی گەرمیان وتەواوی زانكۆكانی هەرێمی كوردستانی بەرز نرخاندو ستایشی ئەرك وماندوبونیانی كرد لەبەرامبەر هەولً بێوچانەكانیان لەپێناو بەرز كردنەوەی ئاستی زانستی خوێندكاران و زانكۆوپەیمانگەكان  , هەرلە دیدارەكەدا پاش گوێگرتن لەداواو پیشنیازەكانیان بەڵێنی هاوكاری تەواوی بۆ دووپاتكردنەوە .

 PUKmedia  راگەیاندنی دەستەی كارگێڕی