PUKmedia یەکێتیی نیشتمانیی کوردستان

یۆنامی: زیاتر له‌ 200 گۆڕی به‌كۆمه‌ڵ له‌عیراقدا هه‌یه‌


6/11/2018 15:53:00
چاپ کردن
بە وێنەوە    بە بێ وێنە
           
.

به‌گوێره‌ی راپۆرتی نه‌ته‌وه‌ یه‌كگرتووه‌كان كه‌ ڕۆژی سێشه‌ممه‌ 6-11-2018 ده‌رچووه‌، زیاتر له‌ 200 گۆڕی به‌كۆمه‌ڵ دۆزراوه‌ته‌وه‌ له‌و ناوچانه‌ی پێشتر له‌ ژێر ده‌سه‌ڵاتی داعشدا بوون له‌ عیراق ، ئه‌م گۆڕانه‌ لاشه‌ی هه‌زاران قوربانی تێدایه‌. ڕاپۆرته‌كه‌ تیشك ده‌خاته‌ سه‌ر هه‌ڵمه‌ته‌كانی تیرۆر و توندوتیژی داعش و‌ پشتگیری له‌ داواكانی خانه‌واده‌ی قوربانیان ده‌كات له‌ ئاشكراكردنی ڕاستییه‌كان و دادپه‌روه‌ری.

نێرده‌ی نه‌ته‌وه‌ یه‌كگرتووه‌كان بۆ هاریكاری عیراق (یۆنامی) و نوسینگه‌ی نه‌ته‌وه‌ یه‌كگرتووه‌كان بۆ مافی مرۆڤ هه‌ڵساون به‌ دۆكومێنتكردنی شوێنی 202 گۆڕی به‌كۆمه‌ڵ له‌ پارێزگاكانی نه‌ینه‌وا و سه‌ڵاحه‌ددین و ئه‌نبار له‌ باكور و خۆرهه‌ڵاتی وڵاتدا، به‌ڵام هێشتا له‌وانه‌یه‌ گۆڕی زیاتریش هه‌بن.

ئه‌گه‌رچی ئه‌سته‌مه‌ بزانرێت ژماره‌ی قوربانیان له‌و گۆڕانه‌دا چه‌نده‌، بچووكرتین گۆڕی به‌كۆمه‌ڵ له‌ خۆرهه‌ڵاتی شاری موسڵ هه‌شت لاشه‌ی تێدابووه‌ و گه‌وره‌ترین گۆڕی به‌كۆمه‌ڵیش واباوه‌ڕده‌كرێت كه‌ كونی خه‌سفه‌ بێت له‌ باشوری شاری موسڵدا، كه‌ له‌وانه‌یه‌ هه‌زاران لاشه‌ی تێدابێت.

به‌گوێره‌ی راپۆرته‌كه‌ش، "له‌وانه‌یه‌ به‌لگه‌ی گرنگی پزیشكیی دادوه‌رییی له‌م گۆڕه‌ به‌كۆمه‌ڵانه‌دا هه‌بن كه‌ نه‌ك هه‌ر یارمه‌تی ناسینه‌وه‌ی قوربانیه‌كان ده‌ده‌ن، به‌ڵكو ده‌بنه‌ مایه‌ی تێگه‌یشتنیش له‌ قه‌باره‌ی تاوانه‌كان .

هه‌روه‌ها راپۆرته‌كه‌ ئاماژه‌ به‌وه‌ش ده‌كات "ئه‌و به‌ڵگانه‌ی كه‌ له‌م شوێنانه‌دا‌ كۆكراونه‌ته‌وه‌  ده‌بنه‌ بنه‌ما بۆ  لێكۆڵینه‌وه‌یه‌كی ڕاست و دروست و دادگاییكردن و تاوانباركردن به‌گوێره‌ی پێوه‌ره‌ جیهانییه‌كان.

له‌لایه‌كی تره‌وه‌، گه‌یشتن به‌ ڕاستی و دادپه‌روه‌ری له‌ رێگه‌ی پاراستنی شوێنی گۆڕه‌ به‌كۆمه‌ڵه‌كان و هه‌ڵدانه‌وه‌یان و ده‌ستنیشانكردنی لاشه‌ی قوربانیان و گه‌ڕاندنه‌وه‌یان ده‌بێت بۆ خانه‌واده‌كانیان." 

 ڕاپۆرته‌كه‌ ئاماژه‌ به‌وه‌ ده‌كات كه‌ له‌ حوزه‌یرانی 2014 ه‌وه‌ تا كانونی یه‌كه‌می 2017 داعش ناوچه‌یه‌كی به‌رفراوانی له‌ عیراقدا داگیركردبوو و ده‌ستی كردبوو به‌ كه‌مپینی به‌ربڵاوی توندوتیژی به‌ پلان له‌ دژی مافه‌كانی نێوده‌وڵه‌تی مرۆڤ و یاسای مرۆیی، ئه‌و كرده‌وانه‌شیان له‌وانه‌یه‌ ته‌شه‌نه‌بكات بۆ تاوانی جه‌نگ و تاوانی دژی مرۆڤایه‌تی و له‌وانه‌یه‌ به‌ جینۆسایدیش دابنرێن."

مه‌به‌ست له‌ راپۆرته‌كه‌ش پشتگیریكردنه‌ له‌ حكومه‌تی عیراق له‌ پاراستن و هه‌ڵدانه‌وه‌ی ئه‌م گۆڕه‌ به‌كۆمه‌ڵانه‌ له‌رێگه‌ی "به‌ڕێوه‌به‌رایه‌تیی گۆڕه‌ به‌ كۆمه‌ڵه‌كان" و هاوبه‌شكارانی نێوده‌وڵه‌تییه‌وه‌‌.

له‌مباره‌وه‌ به‌ڕێز یان كوبیش، نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق وتی "شوێنی گۆڕه‌ به‌كۆمه‌ڵه‌كان، كه‌ له‌ راپۆرته‌كه‌ی ئێمه‌دا ده‌ستینشان كراون، به‌ڵگه‌ی كۆژانی زۆر و سته‌مكاریی ناخهه‌ژێنن. ده‌ستنیشانكردنی بارودۆخی دوای ئه‌م زیانه‌ گه‌وره‌یه‌ هه‌نگاوێكی گرنگ ده‌بێت له‌ دڵنه‌وایی خانه‌واده‌كان و هه‌وڵه‌كانیان بۆ ئاشكراكردنی ڕاستییه‌كان و گه‌یشتن به‌ دادپه‌روه‌ری."

هه‌روه‌ك له‌ راپۆرته‌كه‌شدا باسكراوه‌، خانه‌واده‌ی بێسه‌روشوێنان له‌ زانینی چاره‌نوسی خۆشه‌ویستانیان روبه‌رووی گرفتێكی زۆر بوونه‌ته‌وه‌ چونكه‌ ئه‌وان له‌ ئێستادا ده‌بێ راپۆرت بده‌نه‌ پێنج ده‌زگای جیاوازی وڵات كه‌ ئه‌مه‌ش هه‌م كاتبه‌ره‌ و هه‌میش ده‌بێته‌ مایه‌ی بێهێواكردنی ئه‌و خانه‌وادانه‌ی كه‌ به‌هۆی له‌ده‌ستدانی كه‌سوكاریانه‌وه‌ تووشی ئازاری زۆری دوای كاره‌سات بوونه‌ته‌وه‌. ڕاپۆرته‌كه‌ داوای كردنه‌وه‌ی تۆمارێكی گشتی ناوه‌ندی و نوسینگه‌یه‌كی فیدڕاڵی بۆ كه‌سه‌ ونبووه‌كان ده‌كات."

 خاتوو میشێل باچێلێت له‌ كۆمیساریای باڵای مافه‌كانی مرۆڤی نه‌ته‌وه‌ یه‌كگرتووه‌كان  وتی: "تاوانه‌ كاره‌ساتباره‌كانی داعش له‌ عیراقدا بوونه‌ سه‌ردێری هه‌واڵه‌كان به‌ڵام تاسانی خانه‌واده‌كانی قوربانیان به‌رده‌وامه‌ به‌ له‌ده‌ستدانی هه‌زاران ئافره‌ت و پیاو و منداڵ كه‌ هێشتا چاره‌نووسیان دیارنیه‌. ئه‌م گۆڕانه‌ ئه‌وانه‌ له‌ خۆ ده‌گرێت كه‌ به‌هۆی نه‌چوونه‌ ژێر باری بیروباوه‌ڕ و یاسا قێزه‌وه‌نه‌كانی داعش بوونه‌ قوربانی.  خانه‌واده‌ی قوربانیانی له‌ژماره‌نه‌هاتووی ده‌ستی داعش مافی ئه‌وه‌یان هه‌یه‌ بزانن كه‌ چی به‌سه‌ر خۆشه‌ویستانیان هاتووه له‌گه‌ڵ زانینی پرۆسه‌ی دادگاییكردن و راستییه‌كانیش وه‌ك به‌شێك له‌ دادپه‌روه‌ری."

به‌رێز كوبیش وتیشی: مه‌به‌ست له‌ ڕاپۆرته‌كه‌ یارمه‌تیدانی حكومه‌تی عیراقه‌ له‌ پاراستن و هه‌ڵدانه‌وه‌ی ئه‌و گۆڕه‌ به‌كۆمه‌ڵانه‌ له‌لایه‌ن به‌ڕێوه‌به‌رایه‌تی گۆره‌ به‌كۆمه‌ڵه‌كان له‌ عیراق و هاوبه‌شه‌ نێوده‌وڵه‌تییه‌كانیانه‌وه‌. به‌ڕێز كوبیش و خاتوو باچێلێت پشتگیریی خۆیان بۆ حكومه‌تی عیراق له‌م ئه‌ركه‌ گرنگه‌یدا دوپات ده‌كاته‌وه‌.

له‌ راسپارده‌كانی راپۆرته‌كه‌دا داوا ده‌كرێت هه‌وڵی هه‌مه‌لایه‌نه‌ هه‌بێت بۆ هه‌ڵدانه‌وه‌ی گۆڕه‌كان به‌ به‌شداری پسپۆڕانی شاره‌زا و پسپۆڕانی هه‌ڵگرتنه‌وه‌ی ته‌قه‌مه‌نی و لێكۆڵه‌ره‌وانی شوێنی تاوان. هه‌روه‌ها به‌ چه‌قكردنی قوربانی بكرێته‌ كاری سه‌رلیست له‌گه‌ڵ دروستكردنی پرۆسه‌ی دادوه‌ریی راگوزه‌ری گشتگر به‌ ڕاوێژ و په‌سندكردنی عیراقییه‌كان به‌تایبه‌تیش به‌ركه‌وته‌كانی ناو كۆمه‌ڵگاكان.

راپۆرته‌كه‌ به‌ هه‌مان شێوه‌ داوا له‌كۆمه‌ڵگه‌ی نێوده‌وڵه‌تی ده‌كات بۆ دابینكردنی سه‌رچاوه‌ و یارمه‌تی ته‌كنیكی بۆ هه‌وڵه‌كانی په‌یوه‌ست به‌ هه‌ڵدانه‌وه‌ و كۆكردنه‌وه‌ و گواستنه‌وه‌ و پاراستن و گه‌ڕاندنه‌وه‌ی پاشماوه‌ی قوربانییان بۆ خانه‌واده‌كانیان هه‌روه‌ها ده‌ستنیشانكردنی ناسنامه‌یان له‌ ڕێگه‌ی به‌هێزكردنی به‌ڕێوه‌به‌رایه‌تی گۆڕه‌ به‌كۆمه‌ڵه‌كان.


PUKmedia / یۆنامی

وێنە هەواڵ
  • image04
  • كوردستان سپی پۆشی

  • image04
  • وه‌زیری ده‌ره‌وه‌ی ئێران گه‌یشته‌ سلێمانی

  • image04
  • سه‌نته‌ری ئۆتیزم له‌سلێمانی كرایه‌وه‌

  • image04
  • به‌فربارین زۆربه‌ی شاره‌كانی هه‌رێمی كوردستانی گرته‌وه‌

  • image04
  • د.بەرهەم ساڵح سەرۆك كۆماری عیراق لەلایەن رەجەب تەیب ئەردۆگانەوە پێشوازی لێكرا

  • image04
  • خۆپیشاندانه‌كان له‌ سودان

  • image04
  • دایكه‌ سوتاوه‌كه‌ی چه‌مچه‌ماڵ به‌ره‌و لای په‌پوله‌كانی ده‌ڕوات

  • image04
  • تره‌مپ و هاوسه‌ره‌كه‌ی گه‌یشتنه‌ عیراق


                                           

ئەڵمانیا.. هێرشكردنە سەر كەمپی پەنابەران كەمیكردووە


سایتی دۆیچە ڤیللەی ئەڵمانی بڵاویكردەوە رێژەی هێرش و پەلاماردانەكان بۆسەر كەمپەكانی پەنابەران لە وڵاتەكەیاندا كەمیكردووە.


  نوێنه‌ری یه‌كێتی و لایه‌نه‌ عیراقییه‌كان سه‌ردانی كه‌نیسه‌ی ماریا ده‌كه‌ن
  بەوێنە.. لەئەڵمانیا پرسەی ماتەمینی مستەفا ساڵح كەریم بەڕێوەچوو

                                           

مامۆستایه‌كی زانكۆ به‌ ئۆنلاین وانه‌ ده‌ڵێته‌وه‌


بۆ یه‌كه‌مجار له‌كوردستان و عیراق، شێوازی وانه‌ وتنه‌وه‌ی ئۆنلاین بۆ خوێندكارانی زانكۆ له‌لایه‌ن مامۆستایه‌كی زانكۆی پۆله‌ته‌كنیكی س...


  فه‌رید ئه‌سه‌سه‌رد: حكومه‌تی بێ یه‌كێتی وه‌ك نه‌بوو وایه‌
  وەزیری شەهیدان پرسی ناساندنی جینۆسایدی كوردان دووپاتدەكاتەوە
                                           

دانوستانەكانی پێكهێنانی حكومەتی نوێ دەچنە قۆناغێكی نوێوە

بەپێی زانیارییەكانی كوردستانی نوێ، «حكومەتی نوێی هەرێمی كوردستان روو لەپێكهێنانە‌و لەم كەشوهەوا ساردەدا، كۆبوونەوەی لیژنە هاوبەشەكانی نێوان لایەنەكان (یەكێتی‌و پارتی)، (پا...


  په‌ره‌پێدانی گه‌شتوگوزاری كه‌لتوری له‌باڵه‌كایه‌تی
  ماهیر حەسەن داوای لێبووردن دەكات


کاریکاتێر