هەڤاڵ وانێك

.

هەڤاڵ وانێك

2018-11-05   

× فریشتەی بەختی كورد (جی پی ئێس)ەكەی بیرچووە.
× ئێمە ئەو میلـلەتەین كاتێك كە پیل سكوت ئەكات گازێكی لێ‌ ئەگرین ئەكەوێتەوە ئیش.
× پسپۆڕیی هەموو جارێ‌ شەرت نییە، مەسەلەن بۆ ئەوەی شتی قۆڕ بناسیتەوە مەرج نییە دكتۆر بیت.
× زۆر ئیحترامی ئەو كەسە بگرە كە رەسمی مناڵیتی لایە بە كامێرای شەمسی.
× حساب بۆ هیچ كەس مەكە، هەموویان مەشغوڵی مۆبایلەكانی خۆیانن.
× وتم قەبرهەڵبەستن بۆ وا گران بووە وتی چونكە ئاستی بژێویی ژیان بەرزبووەتەوە.
× كورتترین نوكتە: ئیسلامی و فیمینیست.
× هیچ كەسێك ئەوەندە پیر نییە نەتوانێ‌ كەرێتییەكی تازە فێر ببێ‌.
× پێویستمان بە گوگڵ نییە، هەڤاڵ وانێك هەموو شتێ‌ ئەزانێ‌.
× لەم سەردەمەدا پیاوی ماڵ ئەوەیە بزانێ‌ (وای فای)یەكە بخاتەوە ئیش.
× قەناعەتم وایە ئەم وڵاتە نە سیاسیی راستگۆی تیایە نە فیتەری شارەزا.
× ئینسان ئەتوانێ‌ زۆر شتی مەسئول تێبگات، مەسەلەن ئەگەر جوابی تەلەفونی نەدایەوە مەعنای وایە ئیشەكەی بۆ نەكردویت.