سامان عومه‌ر پێكه‌نینی تۆ بڵاوده‌كاته‌وه‌

.

هونه‌رمه‌ند سامان عومه‌ر كلیپی نوێترین به‌رهه‌می به‌ ناوی پێكه‌نینی تۆ بڵاو ده‌كاته‌وه‌و هیوای ئه‌وه‌ی ده‌خوازێت كه‌ به‌دڵی گوێگرانی بێت.

له‌باره‌ی به‌رهه‌مه‌ نوێكه‌یه‌وه‌ هونه‌رمه‌ند سامان عومه‌ر بۆ PUKmedia وتی: ئێواره‌ی دوێنی 4-11-2018 ڤیدیۆ كلیپی نوێترین به‌رهه‌مم به‌ ناوی ( پێكه‌نینی تۆ ) بڵاو كرایه‌وه‌.

وتیشی: ئه‌م به‌رهه‌مه‌ هونه‌رمه‌ند كورده‌ عومه‌ر كاری ده‌رهێنان و مۆنتاژ و وێنه‌گرتنی بۆ كردوه‌و له‌ وڵاتی سوید وێنه‌ گیراوه‌و دوو ئه‌كته‌ریش له‌ كلیپه‌كه‌دا رۆڵده‌گێڕن.

ئه‌وه‌شیخسته‌روو، كه‌تێكستی به‌رهه‌مه‌كه‌ هونه‌رمه‌ند نامۆیه‌ نوسیویه‌تی و میلۆدییه‌كه‌شی وه‌رگیراوه‌ هاوكات كاری موزیك و ماسترینگی له‌لایه‌ن ئه‌رمین حه‌بیبی بۆ كراوه‌، پێشتریش له‌ شاری سلێمانی و له‌ تاران به‌رهه‌مه‌كه‌ تۆمار كراوه‌.

سامان عومه‌ر راشیگه‌یاند: كه‌ئه‌م به‌رهه‌مه‌ نوێیه‌ی له‌لایه‌ن هیچ كه‌س و لایه‌نێكه‌وه‌ سپۆنسه‌ر نه‌كراوه‌.

وتیشی: كه‌بۆ داهاتوو به‌رهه‌می هونه‌ری نوێی له‌به‌رده‌ستدایه‌و هیواشی خواست ئه‌م به‌رهه‌مه‌ به‌دڵی گوێگرانی بێت و دڵخۆشیان بكات.

هونه‌رمه‌ند له‌ ساڵی نه‌وه‌ده‌كانه‌وه‌ كاری هونه‌ری ده‌كات و چه‌ندین كلیپ و ئه‌لبوم و گۆرانی هه‌یه‌ و له‌گه‌ڵ ئه‌وه‌ی ماوه‌ی نزیكه‌ی 2 ساڵه‌ به‌رهه‌می هونه‌ری نوێی به‌رهه‌م نه‌هێناوه‌ به‌ڵام له‌ بۆنه‌ و ئاهه‌نگه‌كاندا به‌شداری كردوه‌.

لینكی یاریده‌ده‌ر بۆ بینینی ڤیدیۆ كلیپه‌كه‌......

PUKmedia هاژه‌ باست