یه‌كێتی ژنان به‌ڵێن بۆ مام جه‌لال دوپاتده‌كه‌نه‌وه‌‌

.

یه‌كێتى ژنانی كوردستان یادی دامه‌زراندنی 29 ساڵه‌ی ده‌كاته‌وه‌و سه‌ردانی مه‌زاری مام ده‌كه‌ن وه‌ك تاكه‌ پشتیوانی ژنان.

له‌و باره‌یه‌وه‌ سه‌یوان رۆسته‌م لێپرسراوی به‌شی راگه‌یاندنی یه‌كێتیی ژنانی كوردستان له‌لێدوانێكدا بۆ PUKmedia وتی: یه‌كێتی ژنانی كوردستان 29 ساڵی ته‌مه‌نی تێپه‌ڕاندو به‌ره‌و 30 ساڵ ده‌ڕوات، كه‌له‌ساڵی 1989 له‌ تاراوگه‌ له‌هه‌ناوی شۆڕشی نوێی گه‌لی كورد دامه‌زراوه‌ و هه‌تا ئێستا له‌ خه‌بات به‌رده‌وامه‌.

وتیشی: یه‌كێتی ژنان له‌ماوه‌ی خه‌باتیدا كه‌ رێكخراوێكی جه‌ماوه‌رییه‌و بۆ هه‌موو ژنان به‌بێ جیاوازی كارده‌كات، ژماره‌یه‌كی زۆر كاروچالاكی له‌بواره‌كانی كۆمه‌ڵایه‌تی و رۆشنبیری و ئابوری و سیاسی و ته‌ندروستی ئه‌نجام داوه‌و به‌رده‌وامیشه‌.

ئه‌وه‌شیخسته‌روو، له‌به‌رئه‌وه‌ی سه‌رۆك مام جه‌لال تاكه‌ پشتیوانی ژنان بوه‌ بۆیه‌ به‌یانی ئه‌مڕۆ له‌یادی دامه‌زراندنی یه‌كێتی ژنان سه‌ردانی مه‌زاری مام_مان كردوو به‌ڵێنی به‌رده‌وامی له‌ خه‌باتمان بۆ دوپاتكرده‌وه‌و هاوكات ژماره‌یه‌كی تایبه‌تی رۆژنامه‌ی ژیان_یش بۆ ئه‌م یاده‌ بڵاو كرایه‌وه‌.

PUKmedia تایبه‌ت