میران عەلی بمدوێنە بڵاودەكاتەوە

.

هونەرمەندی لاو میران عەلی نوێترین ڤیدیۆ كلیپی خۆی بە ناوی بمدوێنە بڵاودەكاتەوەو لەگەڵ بڵاوكردنەوەشیدا مژدەیەك دەداتە هەوادارانی.

هونەرمەند میران عەلی لە لێدوانێكی تایبەتدا بە PUKmedia ی راگەیاند: بەرهەمەكە كە بەشێوەی ڤیدێو كلیپ بڵاودەبێتەوە ناوی (بمدوێنە)یە كە تێكستی ئیسماعیل ساڵح و میلۆدی خۆمە و كاری دەنگی لەلایەن سیامەكی فەقێزادەوە بۆ كراوە.

وتیشی: لە ستۆدیۆ ئەكتیڤ كاری تۆماری دەنگی بۆكراوەو لەلایەن دەرهێنەری بەتوانا ئەحمەد رەمەزانەوە كاری وێنەگرتنی لەشاری هەولێر بۆ ئەنجامدراوە، ئەمشەو سەعات 8:00 لە چەناڵی تایبەت بەخۆمەوە لە یوتوب كلیپەكە بڵاودەبێتەوە. 

هونەرمەند میران عەلی وتیشی: لێرەوە دەمەوێت مژدەیەك بدەمە هەوادارانم و رایبگەیەنم بەم زووانە لە شاری سلێمانی كۆنسێرتێك ئەنجام دەدەم، ئەم بەرهەمەش یەكێك دەبێت لە گۆرانەییەكانی ناو كۆنسێرتەكە هەربۆیەش بە زوویی بڵاوكردەوە.

PUKmedia  تاژاو محەمەد

لینكی یاریدەدەر بۆ بینینی كلیپەكە....