بۆنی سەگی تۆپیو

.

بۆنی سەگی تۆپیو

2018-10-25   

× بەیانیت باش ئوستاز.
ـ ……………
× قوربان گیان لەگەڵ تۆمە ئەڵێم بەیانیت باش.
ـ ………….
× ئحم ئحم.. بەگم سەرێك بەرزبكەرەوە لەسەر ئەو وەرەقەیەو جوابێكمان بدەرەوە ئیشمان پێتە.
ـ ببوورە رۆڵە.. فەرموو خێر؟!
× خێر ئەبێ‌ ئیشەڵـڵا. ئەمەوێ‌ شتێكی موهیمت لا باس بكەم.
ـ موهیمی چۆن یەعنی؟! عیلاقەی بە كوردەوە هەیە؟
× كورد چییە ئوستاز؟.. عیلاقەی بە هەموو بەشەریەتەوە هەیە.
ـ دە بیڵێ‌ بزانم ئەم خەبەرە عاجباتییە چییە؟!
× خەبەر نییە لەدەوری سەرت گەڕێم، مولاحەزەیە….. مولاحەزەی تایبەتی خۆم.
ـ چییە ئەو مولاحەزەیە كوڕم؟
× بەگم لە رێگەوبان، لە چایخانە، لەناو پاسدا، لە دائیرە، لە میوانی، لە تەعزێ‌، مولاحەزەم كردووە پەنجەی دۆشاومژەی هەموو كەسێ‌ بەقەدەر كونەلووتێتی.
ـ پەنجەی دۆشاومژەی هەموو كەسێ‌ بەقەدەر كونەلووتێتی؟؟!
× بەڵێ‌ .. رێك بەقەدەریەتی.
ـ باشە كوڕی نازانم چی تۆ گوناحت ناگات وەختی من بەم قسەقۆڕانەوە ئەكوژی؟
× یەعنی مولاحەزەكەم موهیم نەبوو؟!!.. دە وەڵـڵاهی ئەوە ئەگەر لە فەیسبوك و تێلیگرامدا بتبینیایە ئەكەوتیتە مەدح و سەنای.
ـ ئێ‌ وایە رۆڵە.. ئینتەرنێت موهیمە.
× منیش ئەزانم موهیمە چونكە دەنگیش و رەنگیش و بۆنیش نەقڵ ئەكات.
ـ رۆڵە درۆیەك بكە رێ‌ی تێ‌ بچێ‌..ئینەتەرنێت كوا بۆن نەقڵ ئەكا؟!!
× ئەیكا بەگم… بەزاتی خوا ئەو رۆژە پەیجێكم كردەوە بۆنی سەگی تۆپیوی لێ‌ ئەهات.