كۆسره‌ت ره‌سوڵ و عومه‌ر شێخموس دواپێشهاته‌كان تاوتوێ ده‌كه‌ن

.

سەرلەبەیانی ئەمڕۆ دووشەممە 22-10-2018  لە شاری سلێمانی كۆسرەت ڕەسول عەلی جێگری سكرتێری گشتی یەكێتی نیشتمانی كوردستان پێشوازیكرد لە عومەر شێخموس سیاسەتمەدار و ئەندامی دەستەی دامەزرێنەری یەكێتی نیشتمانی كوردستان.
‎

لە دیدارێكدا گفتوگۆكرا لەبارەی بارودۆخی سیاسی كوردستان و عێراق و گۆڕانكارییە خێراكانی پێكهێنانی حكومەتی نوێی عيراق و ئەنجامی هەڵبژاردنەكانی پەرلەمانی كوردستان.
‎

بەشێكی تری دیدارەكە گفتوگۆكردن بوو لەبارەی ڕۆڵی یەكێتی نیشتمانی كوردستان لە گۆڕەپانی سیاسی عيراق و هەرێمی كوردستان، هەردوولا كۆك بوون لەسەر گرنگی و كاریگەری ڕۆڵی یەكێتی و هیوایان خواست یەكێتی ڕۆڵی زیاتر لە گۆڕەپانەكە بگێڕێت.

PUKmedia تایبه‌ت