فراكسیۆنی یه‌كێتی: گوزه‌رانی خه‌ڵك له‌پێشینه‌ی كاره‌كانمان ده‌بێت

.

فراكسیۆنی یه‌كێتی بۆ چوارساڵی داهاتوو له‌په‌رله‌مانی كوردستان به‌رنامه‌یه‌كی تۆكمه‌ی ده‌بێت بۆ پێشخستنی وڵات و خزمه‌تكردنی هاووڵاتیان.

جه‌مال حه‌وێز كاندیدی سه‌ركه‌وتوی یه‌كێتیی نیشتمانیی كوردستان به‌ PUKmedia ی راگه‌یاند: وه‌ك فراكسیۆنی یه‌كێتی له‌ په‌رله‌مانی كوردستان  به‌رنامه‌و پڕۆگرامێكی تۆكمه‌مان هه‌یه‌ و هه‌وڵی جدی ده‌ده‌ین بۆ جێبه‌جێكردنی كه‌له‌به‌رژه‌وه‌ندی گشتی هه‌موو خه‌ڵكی كوردستاندایه‌.

وتیشی: ده‌مانه‌وێت له‌ خولی پێنجه‌می په‌رله‌مانی كوردستان، كاری جدی بكه‌ین بۆ پێشخستن و گه‌شه‌پێدانی سه‌رجه‌م سێكته‌ره‌كانی وڵات، جگه‌ له‌ نه‌وت، په‌ره‌ به‌سه‌رجه‌م سه‌رچاوه‌كانی داهات بده‌ین، كه‌ خۆی له‌ گه‌شتوگوزار و كشتوكاڵ و هه‌ندێك سه‌رچاوه‌ی تری داهاتدا ده‌بینێته‌وه‌.

راشیگه‌یاند: پڕۆژه‌مان هه‌یه‌ كه‌په‌ره‌ به‌ كه‌رتی كشتوكاڵ و گه‌شتوگوزار بده‌ین، چونكه‌ كوردستان له‌و رووانه‌وه‌ گونجاوه‌ و ده‌توانین سودی لێببینین و بیكه‌ین به‌ به‌دیلی نه‌وت و گاز تا له‌ڕێگه‌یه‌وه‌ بتوانین ژیانی خه‌ڵكی كوردستان به‌ره‌و باشتربكه‌ین و خۆشگوزه‌رانی دابینبكه‌ین.

وتیشی: هه‌وڵه‌ده‌ین ئه‌و یاسایانه‌ ده‌ربكه‌ین كه‌ زۆرترین سودی بۆ خه‌ڵكی كوردستان هه‌یه‌.

PUKmedia تایبه‌ت